Milio Mariño
La mio collaboración de los xueves nel programa de radio Noche tras Noche, RPA.
El mi lio d'esta selmana ye que tengo’l celebru que yá nun pue con más. Taba a puntu d'españar, agobiáu por tantos y tantos casos de corrupción… Y apaecieron los empresarios, col cuentu de que, d'equí al 2018, son quien a crear 2,3 millones d’empleos y baxar la tasa de paru al 11 per cientu.
Oyílo na radio, mientres me taba afaitando… Y, non vos miento… Tal como taba, en calzoncíos, diéronme ganes de salir corriendo, llantame en medio la cai y glayar: Mátame camión.
La noticia dexóme a cuadros, pero lo qu’acabó por facer de min un guiñapu, que nun sabía si rir o llorar, foron les midíes que, dicen, deberíen tomase pa consiguir esos dos millones llargos de puestos de trabayu.
L'informe del Conseyu Empresarial de la Competitividá, qu'asina ye como se faen llamar les 18 empreses más importantes d'España, hai que velo. Merez que, cuando nos refiramos a los empresarios, dexemos fueraparte la palabra presuntu y digamos que son tontos, tontos, del culu… Buenu, del culu, la cabeza, el tueru y les estremidaes.
Tontos dafechu porque lo que proponen, pa crear dos millones trescientos mil empleos, ye meter a los obreros nel estrumidor y dayos dos vueltes o tres… Son más facilidaes pa los contratos y los despidos, que baxen los salarios y les pensiones y que xuban l'IVA y los precios. Ahh, y tamién que s'acabe cola corrupción y l'ineficacia del gobiernu tocantes a escorrer la economía somorguiada y el trabayu en negru. Pa estu, pal trabayu en negru, piden más inspeutores… Digo yo que nun sedrá pa qu’ispecionen y denuncien los contratos basura… Que sedrá pa que tean al tantu y denuncien a los trabayadores que, inda, cobren un sueldo curiosu.
Non contentos con esti refileru de babayaes… Como si quixeren midir la nuesa capacidá d'aguantadera y cubicar si tenemos, o nun tenemos, sangre y valor bastante como pa salir en tropiella, armaos con palos y estaques, cierren la so propuesta cola babayada de que les midíes que proponen deberíen de paece-y bien a tou quisque, yá sía de dreches, d'esquierdes o de Podemos…. Formación que nun citen, arrede, pero que, aldovinase, debió ser el detonante que prendió la mecha pa qu’abandonaren la so mudez y rezaren les cuatro tontaes que camentamos. Que yá veis lo que son… Esi padrenuestru de baxar entovía más, los salarios, de que puean despidir a la xente ensin da-y, siquier, los bonos díes y que llegalicen unes condiciones de trabayu que-yos permitan tener esclavos a precios de saldu.
Enantes, en tiempos normales, los sindicatos yeren los que casi tolos años anunciaben una seronda caliente. Agora non… Agora son los trabayadores y los sindicatos los que tan qué tremen de fríu y nun se calienten, nin cuando los empresarios echen más lleña al fueu… Por eso dicía, al entamu, qu’esta seronda ye de les de mátame camión.
La mio collaboración de los xueves nel programa de radio Noche tras Noche, RPA.
Oyílo na radio, mientres me taba afaitando… Y, non vos miento… Tal como taba, en calzoncíos, diéronme ganes de salir corriendo, llantame en medio la cai y glayar: Mátame camión.
La noticia dexóme a cuadros, pero lo qu’acabó por facer de min un guiñapu, que nun sabía si rir o llorar, foron les midíes que, dicen, deberíen tomase pa consiguir esos dos millones llargos de puestos de trabayu.
L'informe del Conseyu Empresarial de la Competitividá, qu'asina ye como se faen llamar les 18 empreses más importantes d'España, hai que velo. Merez que, cuando nos refiramos a los empresarios, dexemos fueraparte la palabra presuntu y digamos que son tontos, tontos, del culu… Buenu, del culu, la cabeza, el tueru y les estremidaes.
Tontos dafechu porque lo que proponen, pa crear dos millones trescientos mil empleos, ye meter a los obreros nel estrumidor y dayos dos vueltes o tres… Son más facilidaes pa los contratos y los despidos, que baxen los salarios y les pensiones y que xuban l'IVA y los precios. Ahh, y tamién que s'acabe cola corrupción y l'ineficacia del gobiernu tocantes a escorrer la economía somorguiada y el trabayu en negru. Pa estu, pal trabayu en negru, piden más inspeutores… Digo yo que nun sedrá pa qu’ispecionen y denuncien los contratos basura… Que sedrá pa que tean al tantu y denuncien a los trabayadores que, inda, cobren un sueldo curiosu.
Non contentos con esti refileru de babayaes… Como si quixeren midir la nuesa capacidá d'aguantadera y cubicar si tenemos, o nun tenemos, sangre y valor bastante como pa salir en tropiella, armaos con palos y estaques, cierren la so propuesta cola babayada de que les midíes que proponen deberíen de paece-y bien a tou quisque, yá sía de dreches, d'esquierdes o de Podemos…. Formación que nun citen, arrede, pero que, aldovinase, debió ser el detonante que prendió la mecha pa qu’abandonaren la so mudez y rezaren les cuatro tontaes que camentamos. Que yá veis lo que son… Esi padrenuestru de baxar entovía más, los salarios, de que puean despidir a la xente ensin da-y, siquier, los bonos díes y que llegalicen unes condiciones de trabayu que-yos permitan tener esclavos a precios de saldu.
Enantes, en tiempos normales, los sindicatos yeren los que casi tolos años anunciaben una seronda caliente. Agora non… Agora son los trabayadores y los sindicatos los que tan qué tremen de fríu y nun se calienten, nin cuando los empresarios echen más lleña al fueu… Por eso dicía, al entamu, qu’esta seronda ye de les de mátame camión.
No hay comentarios:
Publicar un comentario
Milio Mariño