Milio Mariño
(La mio collaboración nel programa Noche tras Noche RPA)
Esti foi el camentariu qu’ayer grabé pal programa, anque después, por eses coses que pasen, tracamundiaren la grabación y emitieren el de la selmana pasada.
El mio lio d'esta selmana ye que yá tamos nesa dómina del añu na que tienen por zuna apaecese les bisarmes, los extraterrestres y los santos que faen milagros.
Los branos igual ye pol clima, pero son mui daos a les apaiciones. Que yo sepa, no que va d’esti, entá nun se dio denguna pero nun s'esmolezan, yá verán cómo cualesquier día los periódicos recueyen la noticia de que trés o cuatro persones, cuando tornaben a casa, a les cinco la mañana, dempués de beber diez botelles de sidra, vieron una lluz cegadora que s’averaba y fuxía dando vueltes en círculu. La mesma lluz que tamién creyó ver un rapaz que taba nun descampáu, dientro del coche, intentando resolver un sudoku, en compañía de la so moza.
Testimonios asina, o mui paecíos, avecen a dase tolos branos. Socesos paranormales, avistamientos, apaiciones y pequeños milagros que salpiquen les páxines de los periódicos, entemeciéndose cola crónica de les playes y los trespasos del fútbol.
Nun sé a ustedes pero a min prestame que, siquier pel branu, les bisarmes, los extraterrestres y los santos vuelvan por estos pagos pa facenos una visita. Piensen que dende tiempos inmemoriales vienen asocediéndose les apaiciones, los milagros y tou un cúmulu de socesos que demuestren que nun tamos solos, qu'hai daquién que vive nos confines del universu y, de xemes en cuando, alcuérdase de nos, anque sía pel procedimientu de danos un xustu.
Si nun fuera asina, si esti branu nun se produxera nengún estrañu socesu, esmoleceríame enforma. Sedría tantu como confirmar un ciertu esbarafuste y desequilibriu del mundu. De cuenta que, pol bien de toos, espero que no que va d'agora a setiembre, sían unos cuantos los que vean, moviéndose pel cielu, un oxetu brillosu, paecíu a una paellera, procedente d'un planeta alloñáu habitáu por una civilización cimera que sabe muncho más que nós, non yá no tocante a la mecánica de propulsión, les pastilles de frenu y el gastu de carburante, qu'eso dase por supuesto, sinón a otres custiones que tienen de tener yá superaes como les operaciones de ciruxía estética, la unificación de les talles o gastar la paga estra nes rebaxes de xunetu.
Tómenlo en chancia si quieren pero si, esti branu, los estraterrestres, les bisarmes o los santos, nun fixeren actu de presencia sedría pa esmolecese. Significaría que pasen de nós, que yá nos dan por imposibles.
Sedría una catástrofe. De mou qu’atentos a la pisada. Si cualesquier día d'estos, cuando tornen a casa, a les cinco la mañana, dempués de beber diez botelles de sidra, creen ver una lluz cegadora dando vueltes en círculu, nun s'asusten. Esos homes vistíos de verde y con una tartera prieta encuallada na cabeza, van ser lo qu’imaxinen: criatures d’otru planeta, anque asina, a primera vista, mialma paezan la pareya de la guardia civil, embocándolos con una llinterna.
Esti foi el camentariu qu’ayer grabé pal programa, anque después, por eses coses que pasen, tracamundiaren la grabación y emitieren el de la selmana pasada.
El mio lio d'esta selmana ye que yá tamos nesa dómina del añu na que tienen por zuna apaecese les bisarmes, los extraterrestres y los santos que faen milagros.
Los branos igual ye pol clima, pero son mui daos a les apaiciones. Que yo sepa, no que va d’esti, entá nun se dio denguna pero nun s'esmolezan, yá verán cómo cualesquier día los periódicos recueyen la noticia de que trés o cuatro persones, cuando tornaben a casa, a les cinco la mañana, dempués de beber diez botelles de sidra, vieron una lluz cegadora que s’averaba y fuxía dando vueltes en círculu. La mesma lluz que tamién creyó ver un rapaz que taba nun descampáu, dientro del coche, intentando resolver un sudoku, en compañía de la so moza.
Testimonios asina, o mui paecíos, avecen a dase tolos branos. Socesos paranormales, avistamientos, apaiciones y pequeños milagros que salpiquen les páxines de los periódicos, entemeciéndose cola crónica de les playes y los trespasos del fútbol.
Nun sé a ustedes pero a min prestame que, siquier pel branu, les bisarmes, los extraterrestres y los santos vuelvan por estos pagos pa facenos una visita. Piensen que dende tiempos inmemoriales vienen asocediéndose les apaiciones, los milagros y tou un cúmulu de socesos que demuestren que nun tamos solos, qu'hai daquién que vive nos confines del universu y, de xemes en cuando, alcuérdase de nos, anque sía pel procedimientu de danos un xustu.
Si nun fuera asina, si esti branu nun se produxera nengún estrañu socesu, esmoleceríame enforma. Sedría tantu como confirmar un ciertu esbarafuste y desequilibriu del mundu. De cuenta que, pol bien de toos, espero que no que va d'agora a setiembre, sían unos cuantos los que vean, moviéndose pel cielu, un oxetu brillosu, paecíu a una paellera, procedente d'un planeta alloñáu habitáu por una civilización cimera que sabe muncho más que nós, non yá no tocante a la mecánica de propulsión, les pastilles de frenu y el gastu de carburante, qu'eso dase por supuesto, sinón a otres custiones que tienen de tener yá superaes como les operaciones de ciruxía estética, la unificación de les talles o gastar la paga estra nes rebaxes de xunetu.
Tómenlo en chancia si quieren pero si, esti branu, los estraterrestres, les bisarmes o los santos, nun fixeren actu de presencia sedría pa esmolecese. Significaría que pasen de nós, que yá nos dan por imposibles.
Sedría una catástrofe. De mou qu’atentos a la pisada. Si cualesquier día d'estos, cuando tornen a casa, a les cinco la mañana, dempués de beber diez botelles de sidra, creen ver una lluz cegadora dando vueltes en círculu, nun s'asusten. Esos homes vistíos de verde y con una tartera prieta encuallada na cabeza, van ser lo qu’imaxinen: criatures d’otru planeta, anque asina, a primera vista, mialma paezan la pareya de la guardia civil, embocándolos con una llinterna.
No hay comentarios:
Publicar un comentario
Milio Mariño