Milio Mariño
La mio collaboración en programa de la RPA Noche tras noche.
El mio lio d'esta selmana ye qu'agora, en branu, toos nos ponemos de bon ver. Y cuando digo toos refiérome a qu'el 100% de les muyeres y el 90% de los homes consideramos que'l nuesu aspeutu meyoró bastante en rellación col que teníemos alló pol iviernu.
Los cuerpos nun tán igual tol añu. Xorrecen y empiecen a meyorar a últimos del mes de marzu y, pa cuando lleguen estes feches, toos somos más altos, más delgaos y más guapos… Y más bonos, porque dellos filósofos planteguen que determinaes cualidaes morales tán suxetes a la condición física; a la guapura de la cara y al volume y la fachenda del cuerpu.
Yo barruntaba dalgo. Suponía qu'una cara guapa y un bon cuerpu ayuden a consiguir munches coses. Tenía esi camientu, pero dempués de lleer un estudiu del departamentu de socioloxía de la Universidá d’Essex, non me cueye denguna dulda.
L'estudiu nun diz gran cosa, asegura que los obispos tienen una talla, refería al cuerpu, mayor que la de los párrocos; que los rectores avecen a ser más altos que los decanos; los xenerales, más que los sarxentos, y los xefes de Gobiernu, más que los ministros. Les esceiciones, que tamién se contemplen, refiérense a Napoleón ya Lenin, pero yo amesté a José María Aznar, por mio cuenta, pa que se confirme dafechu la regla.
Naide duldará, imaxino, que los obispos, los rectores, los xenerales y los xefes de Gobiernu tienen más poder que los párrocos, los decanos, los sarxentos y los ministros. Un poder que, se supón, llograríen ensin baltiar esa norma que preside les sociedaes democrátiques y depende de ciertes cualidaes, intelectuales y morales, amestaes a la intelixencia, más qu'a la naturaleza.
Refiérome a que munchos, la mayoría, llegaríen a esos cargos non pol fechu de que sían guapos, altos, o tengan más o menos barriga, sinón porque son más llistos y más capaces que'l restu. Digo yo que sedría por eso, porque’l resultáu del estudiu atestera en que, siquier, nel planu estadísticu, determinaos puestos de relevancia tán suxetos a l’aspeuto y la condición física. Diz que les guapes y los guapos cuenten con una ventaya frente a los que somos más feos que Piciu.
La custión tien so aquello… Llevanos a si lo intelectual ta subordináu a propiedaes tan banales como la estatura y la traza del cuerpu o la cara. Nun debía ser asina, pero la realidá ye qu'hai más xente guapo ocupando puestos de relevancia que repartiendo bombones de gas butanu.
A veces unu barrunta dalgo pero nun se-y arregla esplicalo… Si s’entrugaben cómo ye que dellos pudieron llegar tan alto, yá tienen la esplicación científica. Ya tienen l'estudiu d'esa Universidá de prestixu que demuestra que los hai que tán onde tán... pola cara.
La mio collaboración en programa de la RPA Noche tras noche.
Los cuerpos nun tán igual tol añu. Xorrecen y empiecen a meyorar a últimos del mes de marzu y, pa cuando lleguen estes feches, toos somos más altos, más delgaos y más guapos… Y más bonos, porque dellos filósofos planteguen que determinaes cualidaes morales tán suxetes a la condición física; a la guapura de la cara y al volume y la fachenda del cuerpu.
Yo barruntaba dalgo. Suponía qu'una cara guapa y un bon cuerpu ayuden a consiguir munches coses. Tenía esi camientu, pero dempués de lleer un estudiu del departamentu de socioloxía de la Universidá d’Essex, non me cueye denguna dulda.
L'estudiu nun diz gran cosa, asegura que los obispos tienen una talla, refería al cuerpu, mayor que la de los párrocos; que los rectores avecen a ser más altos que los decanos; los xenerales, más que los sarxentos, y los xefes de Gobiernu, más que los ministros. Les esceiciones, que tamién se contemplen, refiérense a Napoleón ya Lenin, pero yo amesté a José María Aznar, por mio cuenta, pa que se confirme dafechu la regla.
Naide duldará, imaxino, que los obispos, los rectores, los xenerales y los xefes de Gobiernu tienen más poder que los párrocos, los decanos, los sarxentos y los ministros. Un poder que, se supón, llograríen ensin baltiar esa norma que preside les sociedaes democrátiques y depende de ciertes cualidaes, intelectuales y morales, amestaes a la intelixencia, más qu'a la naturaleza.
Refiérome a que munchos, la mayoría, llegaríen a esos cargos non pol fechu de que sían guapos, altos, o tengan más o menos barriga, sinón porque son más llistos y más capaces que'l restu. Digo yo que sedría por eso, porque’l resultáu del estudiu atestera en que, siquier, nel planu estadísticu, determinaos puestos de relevancia tán suxetos a l’aspeuto y la condición física. Diz que les guapes y los guapos cuenten con una ventaya frente a los que somos más feos que Piciu.
La custión tien so aquello… Llevanos a si lo intelectual ta subordináu a propiedaes tan banales como la estatura y la traza del cuerpu o la cara. Nun debía ser asina, pero la realidá ye qu'hai más xente guapo ocupando puestos de relevancia que repartiendo bombones de gas butanu.
A veces unu barrunta dalgo pero nun se-y arregla esplicalo… Si s’entrugaben cómo ye que dellos pudieron llegar tan alto, yá tienen la esplicación científica. Ya tienen l'estudiu d'esa Universidá de prestixu que demuestra que los hai que tán onde tán... pola cara.
No hay comentarios:
Publicar un comentario
Milio Mariño