Milio Mariño
El mio camentario de los xueves nel programa Noche tras Noche, de la Radio del Principáu
El mi lio d'esta selmana ye pa saludar a los osos que tán espertando agora. Pa dayos los bonos díes a esos exemplares d'osu pardu qu’ente abril y mayu abandonen el lletargo ivernizu y esperécense pa salir de la cueva y dexase ver pol monte como si volvieren de pasar l'iviernu en Suiza.
Velos nun va ser difícil. L'últimu censu d'osos pardos nel Cordal Cantábricu rexistró más de doscientos exemplares, el triple que na década de los años noventa. Amás, según esi mesmu censu, los osos ampliaron la so área d'influencia y yá fueron vistos en conceyos septentrionales del Principáu d'Asturies; en zones estremeres ente Cantabria y Burgos; nos pandoriales lleoneses y na zona de La Carbayeda, en Zamora, una área na que nun había osos dende finales del sieglu XIX y principios del XX.
La mayoría d'esos osos, como pasa coles persones, vive nel anonimatu, pero tamién hai osos famosos y nun me refiero al que mató a Favila, que por cierto nun foi osu nengunu, foi'l so cuñáu Alfonso, que se disfrazó con unes pelleyes d’osu y cosiólo a puñalaes.
Ente los osos famosos de los qu’oyimos falar estos díes ta la osa Balbina, que foi rescatada en Balmonte y que, como víen imposible salvala, procuraron que tuviere una muerte digna, manteniéndola sedada, nuna clínica uvieina, hasta que morrió'l pasáu vienres.
Tamién morrieron años atrás y por causes distintes: Gedrecina, Cuervu, Villarina y Lara. Asina que’l cupu d'osos famosos vivos completase, agora, con Molinera, Paca, Tola y Furacu caún col so índiz popularidá y distinta suerte.
Molinera, una osa nueva de cerca de tres años, atropa práuticamente tol protagonismu y l’atención de los visitantes de la Sienda del Osu en Proaza, na que, por contra, vieron como baxaba la so popularidá les vieyes Paca y Tola, dos oses hermanes que superen los 25 años d'edá, y fueren rescataes en 1989 cuando un cazador furtivu mató a la so madre y les dexó güérfanes.
Furacu, pela so parte, l'osu que llegara emprestáu pol parque de Cabárceno y que llograra conquistar a una de los dos hermanes, a Tola, pero que nun tuvo na que facer con Paca, que refugó, bien digna, el ménage à trois que-y proponíen los cuidadores, ta solo nun cercáu, un pelín alloñáu de la sienda.
Asina ye como tan les coses agora que los osos vuelven a espertar a la vida. Llama l’atención que los cazadores, como dixo va poco’l Presidente de la Federación Asturiana de Caza, suañen con volver a cazalos. Dicen que si l’osu pardu ya se recuperó y hai más de 200 exemplares, tendríen que dexar que volvieren a cazalos.
Yo dexaríalos que cazaren lo que quixeren con una cámara fotógrafica. Facelo con escopeta ye una brutalidá. Ye malo pa los osos y peor pa los que se tienen por persones.
El mio camentario de los xueves nel programa Noche tras Noche, de la Radio del Principáu
Velos nun va ser difícil. L'últimu censu d'osos pardos nel Cordal Cantábricu rexistró más de doscientos exemplares, el triple que na década de los años noventa. Amás, según esi mesmu censu, los osos ampliaron la so área d'influencia y yá fueron vistos en conceyos septentrionales del Principáu d'Asturies; en zones estremeres ente Cantabria y Burgos; nos pandoriales lleoneses y na zona de La Carbayeda, en Zamora, una área na que nun había osos dende finales del sieglu XIX y principios del XX.
La mayoría d'esos osos, como pasa coles persones, vive nel anonimatu, pero tamién hai osos famosos y nun me refiero al que mató a Favila, que por cierto nun foi osu nengunu, foi'l so cuñáu Alfonso, que se disfrazó con unes pelleyes d’osu y cosiólo a puñalaes.
Ente los osos famosos de los qu’oyimos falar estos díes ta la osa Balbina, que foi rescatada en Balmonte y que, como víen imposible salvala, procuraron que tuviere una muerte digna, manteniéndola sedada, nuna clínica uvieina, hasta que morrió'l pasáu vienres.
Tamién morrieron años atrás y por causes distintes: Gedrecina, Cuervu, Villarina y Lara. Asina que’l cupu d'osos famosos vivos completase, agora, con Molinera, Paca, Tola y Furacu caún col so índiz popularidá y distinta suerte.
Molinera, una osa nueva de cerca de tres años, atropa práuticamente tol protagonismu y l’atención de los visitantes de la Sienda del Osu en Proaza, na que, por contra, vieron como baxaba la so popularidá les vieyes Paca y Tola, dos oses hermanes que superen los 25 años d'edá, y fueren rescataes en 1989 cuando un cazador furtivu mató a la so madre y les dexó güérfanes.
Furacu, pela so parte, l'osu que llegara emprestáu pol parque de Cabárceno y que llograra conquistar a una de los dos hermanes, a Tola, pero que nun tuvo na que facer con Paca, que refugó, bien digna, el ménage à trois que-y proponíen los cuidadores, ta solo nun cercáu, un pelín alloñáu de la sienda.
Asina ye como tan les coses agora que los osos vuelven a espertar a la vida. Llama l’atención que los cazadores, como dixo va poco’l Presidente de la Federación Asturiana de Caza, suañen con volver a cazalos. Dicen que si l’osu pardu ya se recuperó y hai más de 200 exemplares, tendríen que dexar que volvieren a cazalos.
Yo dexaríalos que cazaren lo que quixeren con una cámara fotógrafica. Facelo con escopeta ye una brutalidá. Ye malo pa los osos y peor pa los que se tienen por persones.
No hay comentarios:
Publicar un comentario
Milio Mariño