El nuevu conseyu de la SGAE decidió
ayer impugnar la pensión del que fuere cantante de Los Canarios y direutor
xeneral de la Sociedá d’Autores, Teddy Bautista, qu'agora de xubiláu tien pa
cobrar 23.000 euros al mes, casi cuatro millones de pesetes.
Esti páxaru, amas de dexar la
SGAE con un pufu de 130 millones d'euros, ta imputáu por apropiación indebía y
alministración fraudulenta.
Nun ye novedá, ye otru más d’esa reciella lladrones
que, mialma, paez nunca s'acaba y a los
que nun basta con metelos trenta años nel trullu. Hai que pone-yos, hasta que
queden sordos, la canción que fexo esti puntu: Get on Your Knees.
No hay comentarios:
Publicar un comentario
Milio Mariño