Otra encuesta fata.

Milio Mariño

Nun ganamos pa encuestes. Güei, esti domingo buxu d’avientu, almorcé con una que diz qu'el 11% de los españoles nun llega a fin de mes, el 40,2% llega colo xustu y nun podría facer frente a dengún imprevistu, un 30% llega pero ensin capacidá d'aforru y el restu, supónse que pue vivir como ta mandáu. Unos cuantos ensin aforfugos y los que queden, hasta completar el 100, dándose la vida padre y diciendo que tien razón el PP, que la crisis apierta pero nun afuega y qu’hai que ser optimistes.

Pa esti viaxe, mialma que nun facía falta una encuesta. Bastaría con preguntar al amigu o al vecín y confirmaríamos el nuesu barrunto. Vivimos peor qu'antes y si daquién s’atreve a dicir lo contrario que llevante la mano, que quiero ve-y la cara, p'apuntalo como esceición de la regla.

Record de llectores

Milio Mariño

Güei toi de record. Mialma toi plasmáu cola cantidá de xente qu’ayer lleyó’l mio artículo, los Ultra Boys del Sporting y los Symmachiarii del Uviéu. La mio collaboración nel programa de radio Noche tras Noche de la RPA.

Davezu, los artículos que público nel mio blog, Manzorga, son los que faigo pa La Nueva España y la reproducción escrita del camentariu de los xueves na RPA.

 Pos bien, esos artículos vienen teniendo una media, un día con otru, qu’asitiase ente los 50 – 60 llectores. Ayer non. Ayer foron na menos que 287, les persones que lleeron l’artículu nel Blog. Y eso que taba escrito n’asturianu.

Nun se si sedría que trataba de fútbol pero, fuera polo que fuere, munches gracies a toos.

Los Ultra Boys del Sporting y los Symmachiarii del Uviéu

Milio Mariño

La mio collaboración de los xueves nel programa de radio de la RPA, Noche tras Noche.

El mi lio d'esta selmana vien porque, dacuando en vez, pasen coses que lleven a unu a ponese seriu y falar de lo que nun ye mui prestosu. D’esos grupos de mozos y non tan mozos que, col disfraz de forófos d'un equipu de fútbol, aprovechen pa protagonizar engarradielles y actos de vandalismu.

Lo que pasó’l domingu, la engarradiella ente’l Frente Atléticu y los Riazor Blues, qu’acabó con catorce mancaos y un muertu, nun tendría que volver a pasar nunca más. Ye un balance vergonzosu qu'obliga a pidir responsabilidaes a los clubes de fútbol qu’amparen y protexen a eses bandes de delincuentes que, domingu tres domingu, protagonicen pelées y destrúin el moblame urbanu.

Tantu da que los pretendíos forófos se proclamen nazis que d'ultra esquierda. Yá va siendo hora de que les autoridaes obliguen a los clubes de fútbol a que nun dean abellugu a esos bárbaros, empezando per retira-yos el sofitu y eses pancartes qu'utilicen pa presumir de lo que debería dayos vergoña.

El casu qu’equí, n'Asturies, nun tamos llibres d’esa calamidá. Por desgracia tenemos dos bonos exemplos. Tenemos a los Ultra Boys del Sporting y los Symmachiarii del Uviéu. Qu'igual-yos estraña’l nome porque nun paez que tenga rellación col fútbol. Y, mialma, acierten porque los Symmachiarii yeren unos guerreros que procedíen de la zona comprendía ente Uviéu y Llugones. Tropes que los romanos utilizaron p'atacar unu de los asentamientos de les tribus ástures más importantes, el que se correspuende colo que güei ye Xixón, que foi materialmente arrasáu.

De mou qu’ehí lu tienen… Si s’entrugaben a qué venía esi nome, nuna peña d'aficionaos al fútbol, yá tienen la esplicación. Y si s’entrugaben poles fazañes de los nomaos Symmachiarii pueo referi-yos la última que conozo, l'agresión, el pasáu 22 de febreru, a María Díaz, una actriz avilesina, protagonista de la popular serie Aida de Telecinco, a la que-y partieron la cara porque, al paecer, confundiéronla con un travesti.

Los Ultra Boys del Sporting, nun se queden atrás, tamién tienen un llargu historial de fazañes asemeyaes. Lo últimu ye una batalla campal colos Riazor Blues, n'A Coruña, a les nueve la mañana del pasáu 16 de febreru, qu’acabó con un par de mancaos y cuatro deteníos.

Por eso que me paez mui bien, y suscribo, la campaña qu'empecipió'l músicu Xabel Vegas, una recoyida de firmes cola que reclama a la direutiva del Sporting que prohiba la entrada nel Molinón a los Ultra Boys. Campaña que gustaríame tamién se fixera estensiva a los Symmachiarii del Uviéu porque tamos no mesmo, tratase de dos bandes violentes que, amás d'exibir simboloxía fascista y neonazi, protagonicen socesos inaceptables.

Por eso güei me punxe más seriu qu’otres vegaes. Porque quería dicilo, altu y claro, nun vaya ser qu’a dalguién se-y olvide que n’Asturies tamién tenemos lo que nun deberíemos tener nos campos de fútbol.

Dos neñes que, güei, nun verán llover.

Milio Mariño

Güei, esti sábadu lluviosu, buxu y bien murniu, ye más murniu entovía pola alcordanza d'eses dos neñes que morrieron, asesinaes pol padre, en San Juan de L'Arena.

Nun sé por qué, alcuérdome de Sherezade, la contadora de cuentos que consiguió reeducar a un monarca misóxino y asesinu.

La hestoria ye la d'una muyer-hada, dotada d'unes ales máxiques que, al poneles, volaba hasta tocar les estrelles. Un día, pel so camín crució Hasan, quien se namoró de la so guapura y nel so enfotu por apoderase d'ella robó-y les ales y escondioles.

Depués casóse y pa qu’ella s’escaeciera de volar, complacióla con fíos, xoyes y preciosos vistíos de seda. Convencíu de que ganara l'espíritu indomable d’aquella muyer, volvió a entamar los sos llargos viaxes p'aumentar la so fortuna. Pero ella, que nunca dexara de buscar les sos ales, atopóles, garró a los sos fíos y entamó el vuelu por tierres alloñaes, cruciando siete cordilleres ensin cumes, siete mares ensin veres y siete ermos ensin llendes.

Tenemos que defender eso, que naide, sobre too les muyeres y los nenos que son los que pior lo tienen, seya desaposiáu de les sos ales.

Lo buenu de tener la gripe

Milio Mariño

La mio collaboración de los xueves nel programa de la RPA Noche tras Noche.

El mi lio d'esta selmana quiero aprovechalo pa dicir que pasé unos díes nel hospital, por una operación pequeñuca de la que toi, casi, repuesto… Yá casi toi como antes, por eso quiero cuntar, tamién, que cuando fui a quitar los puntos convidáronme a que me vacunara contra la gripe.

Ye un detalle… Nun Centru de Salú, nun van convidate a un Ribera de Duero y un pinchín de tortiella, conviden a lo que tienen… Asina que di-yos les gracies y díxi-yos que non... Que non me vacunaba.

Non me vacuno, voi esplicar por qué. Porque, tal como tán les coses, la gripe ye la única insumisión posible. La coartada perfecha pa dimitir, por dos o tres díes, de la cruda realidá cotidiana… Esa que, queramos o nun queramos, llevanos del ramal, anque seya cola llingua fuera.

Nun pueo demostralo porque nun debe haber estadístiques, pero toi convencíu de que la gripe ye una enfermedá benévola que se contrai a sabiendes. Refiérome a la gripe corriente, la que se manifiesta con fiebre, dolor de cabeza y la ñariz como un grifu vieyu. Escluyo la gripe porcina, l’aviar y la falsa, esa que consiste en llamar al xefe per teléfonu y falar como quien imita a Luis Armstrong.

Tener el gripe, siquier una vegada al añu y a ser posible n’iviernu, ye salú pal cuerpu y un alliviu pa la mente. Ye escapar de la tiranía, anque sía por pocu tiempu. D’ehí que la vacuna, en cuenta de ser remediu, seya un pretestu de los que manden pa sometenos entovía más y facer de nos una máquina que non se gripa nin anque la pasen de vueltes.

Sé qué lo que toi diciendo nun ye políticamente correuto, pero cada xeneración defendese a so manera. La mía prefier encamase por una gripe enantes qu’andar pola cai ciegos de Lexatin o Prozac.

Falo de la mio xeneración nun sé por qué, porque les cais tán llenes de xente que desanoya la bufanda, sal del coche en camisa, dexa la ventana abierta o siéntase nun bancu del parque hasta que consigue esfriase. Quiero dicir qu'hai muncha xente que fai lo posible por contraer el gripe. Xente que nun ta chiflada sinón que busca esa felicidá barata que quieren quitanos de toes toes.

Puestos a vacunar, digo yo que podíen vacunanos contra la probitú pero yá ven que non. Asina qu’alló cada cuál… Un servidor nun se vacunó nin piensa vacunase porque, amás de les ventayes que dixi, la gripe ye lo meyor y lo más natural pa que'l cuerpu purgue les célules vieyes. Nun ye broma, ta demostráu científicamente. Y si a eso amestamos lo que diz un médicu suizu, que facer l’amor, cuando se tien la gripe, allivia la conxestión nasal… Ta claro que son más les ventayes que los devenientes.

El candado del 78

Milio Mariño

Creo que fue Unamuno quien dijo que para dar una vez en el clavo hay que dar cien veces en la herradura. Por eso, ateniéndome a la observación del filósofo vasco, perdono a Pablo Iglesias que llamara a la Transición “el candado del 78” y dijera que piensa abrirlo, desconozco si con la llave del consenso o con una cizalla. Al parecer, quiere empezar de cero, hacer de la Constitución un sayo y enfrentarse al futuro limpio de polvo y paja. Ahí es nada. Como sí los que participamos, aunque fuera de forma modesta, en la Transición Democrática no hubiéramos pensado lo mismo, no hubiéramos cedido, en nuestras pretensiones iniciales, y no analizáramos lo sucedido, llegando a la conclusión de que no es para estar satisfechos del todo. Conclusión a la que, seguramente, llegará, dentro de nada, el líder de Podemos, pues pocas cosas suceden como deseábamos, como suponíamos o como habíamos previsto.

No trato de justificarme. Al contrario, asumo los errores y reivindico para los que entonces éramos incluso más jóvenes de lo que Pablo es ahora, la misma ilusión y las mismas ganas de transformar un país que había que ver como estaba. Había que verlo en aquella época y no cuarenta años después, ojeando fotografías y artículos de prensa, con la incredulidad y la ventaja del que sabe cómo ha transcurrido la historia.

En los tiempos que digo, hace casi cuarenta años, España era un solar fascista, vigilado por guardas y perros de presa, en el que a duras penas pudieron improvisarse cuatro cimientos, sobre los que se construyó, aprisa y corriendo, una constitución, la que inauguramos en 1978, que era como un piso sin acabar en el que nos metimos a vivir porque no había otra. Había la intemperie de las instituciones franquistas, el ruido de sables y la música de los grises. Había miedo a raudales, por más que ahora suene a invención del abuelo para presumir de valiente.

Así estaban las cosas. Cualquiera puede hablar del candado o del Régimen del 78, pero entonces, como ahora, el debate era ruptura o reforma. No vayan a pensar los de Podemos que nadie luchó por ir más allá. Bastantes de los que estábamos por la ruptura aceptamos la reforma y, luego, la defendimos como si hubiera sido nuestra propuesta inicial. No lo tomamos, siquiera, ni como un cambio de postura. Aceptamos el Pacto de la Moncloa sin saber que operaba en nosotros un fenómeno muy general en la Historia. Por lo visto es normal que, quienes al iniciarse un proceso son audaces y avanzados, se vuelvan más precavidos en el fragor de la lucha. Al principio se lanzan a por todas sin importarles su suerte o lo que pueda pasar, pero luego aparecen los moderados, simplifican las cuestiones, las bajan de las alturas y las llevan al terreno de lo práctico. Se impone aquello de que un buen acuerdo es el que no deja, plenamente, satisfechas a ninguna de las dos partes y acaban por convencerse de que es más útil pactar que atrincherarse defendiendo su idea.

No quisiera parecer pedante si digo que yo, todo esto, ya lo he vivido una vez. Por eso me da pereza que vuelva la trenka, Lluis Llach y L’Estaca, la OTAN y el discurso de finales de los setenta. Pero no solo eso sino que nos lo presenten como una gran novedad.

Milio Mariño / Artículo de Opinión / Diario La Nueva España

Vente d’Avientu

Milio Mariño

Vente d’avientu y nin fríu nin calor. Yá casi naide s’alcuerda de que tal día como güei morrió’l ditador. Yo sí que m’alcuerdo, Alcuérdome que xuntámosnos unos cuantos y celebrámoslo abondo. Falamos de lo que díbemos facer y de lo muncho que quedaba por bregar. Pensábemos que diba ser como pasar de la nueche al día y nun foi asina. Foi pasar de lo prietu a lo gris. Navegar pol llaberintu buscando esa lluz que, después de cuarenta años, entovía nun vi. Pero equí siguimos, rumiando la señardá y alcordando aquellos díes con esi tarronin d’esperanza qu’endulza’l lo que nun pudo ser.