Milio Mariño
Plasmé al oyír la conversación del Capitán del Cruceru coles autoridaes del puertu. Y, entovía plasmé más cuando supi qu'escapó del naufraxio en taxi. ¿Cómo, el Capitán pue escapar, d'un barcu a pique, en taxi ? Tamos llocos?
Yá nun ye pol mal que fexo ye qu'esti fantasma acaba frayame dalgo que llevaba dientro dende la infancia. Lo que m'enseñaren de neñu yera que'l Capitán d'un barcu non solo yera l'últimu en abandonalo sinón que na versión qu'a min me dieron non lo abandonaba nunca, si llegaba'l casu dexábase dir a pique col barcu. Non por heroísmu, por dignidá.
Quedame'l consuelu de qu'esti nun yera Capitán, yera'l direutor d'un hotel de playa
miércoles, 18 de enero de 2012
sábado, 14 de enero de 2012
La mala Nota de Francia
Milio Mariño
La noticia de güei ye qu'a Francia quiten-y la Triple A. Y unu que va pa vieyu, o igual yá lu ye, alcuerda que'l nome sonába-y enforma pero non pola so rellación con dengún asuntu económico, sinón porque asina yera como llamaben a una banda parapolicial arxentina, d'estrema drecha, qu'allá pelos años setenta, foi tristemente famosa polos sos crímenes.
La coincidencia ye solu fonética, pero cuando unu oi esi nome, lloñe de pensar no que diz Moodys, piensa n'otres coses. Seique sía por vieyu, o porque unu siempre resabió de los que sacaben les meyores notes, pa min los sobresalientes en toles asignatures, suspendíen n'otres coses.
La noticia de güei ye qu'a Francia quiten-y la Triple A. Y unu que va pa vieyu, o igual yá lu ye, alcuerda que'l nome sonába-y enforma pero non pola so rellación con dengún asuntu económico, sinón porque asina yera como llamaben a una banda parapolicial arxentina, d'estrema drecha, qu'allá pelos años setenta, foi tristemente famosa polos sos crímenes.
La coincidencia ye solu fonética, pero cuando unu oi esi nome, lloñe de pensar no que diz Moodys, piensa n'otres coses. Seique sía por vieyu, o porque unu siempre resabió de los que sacaben les meyores notes, pa min los sobresalientes en toles asignatures, suspendíen n'otres coses.
viernes, 13 de enero de 2012
Cinismu a maza.
Milio Mariño
El cinismu estéticu d'esa sorrisa combaya de los soldaos que mexen enriba un calabre vien persiguiéndome dende que vi les imáxenes. Persíguenme, alcuérdoles y mánquenme, ensin que quiera nin puea evitalo.
Los matarifes ficieron lo que ficieron pero tien más culpa el que tira de la cadena del retrete. El que dio la urden y agora diz que va caye-yos el pelu a esos cuatro subnormales. Imaxino que tará pasando'l fin de selmana nuna mansión, cola cafarnaya que tien por vezu, y fairáse cruces de que los soldaos ficieren lo que siempre supo que facien, y taba bien fechu, mientres nun s'enterara naide.
El cinismu estéticu d'esa sorrisa combaya de los soldaos que mexen enriba un calabre vien persiguiéndome dende que vi les imáxenes. Persíguenme, alcuérdoles y mánquenme, ensin que quiera nin puea evitalo.
Los matarifes ficieron lo que ficieron pero tien más culpa el que tira de la cadena del retrete. El que dio la urden y agora diz que va caye-yos el pelu a esos cuatro subnormales. Imaxino que tará pasando'l fin de selmana nuna mansión, cola cafarnaya que tien por vezu, y fairáse cruces de que los soldaos ficieren lo que siempre supo que facien, y taba bien fechu, mientres nun s'enterara naide.
jueves, 12 de enero de 2012
Un toque astur pol Forru de los tolanos
Milio Mariño
Diz el Conserxe (1) de Cultura del Principáu que quier dai un toque astur al Festival de Cine de Xixón. Asina que'l próximu cartelu témome muncho que seya: Adiós Cordera, Rogelia, Pídele cuentas al rey y Yate Oyí.
Podíen dexalo como taba, que mialma taba per bien, y dai'l toque asturianu, pesllando cada función, con unos pinchos de cabrales, unos tortos de xabaril y unos frixuelos. Pero pa eso hai que saber y estos lo únicu que saben ye xoder.
(1) Ta bien escritu non m'enquivoqué. Marcos ye Conserxe, el Conseyeru, el mal conseyeru, ye l'otru, el de les ñarres de boxeador.
Diz el Conserxe (1) de Cultura del Principáu que quier dai un toque astur al Festival de Cine de Xixón. Asina que'l próximu cartelu témome muncho que seya: Adiós Cordera, Rogelia, Pídele cuentas al rey y Yate Oyí.
Podíen dexalo como taba, que mialma taba per bien, y dai'l toque asturianu, pesllando cada función, con unos pinchos de cabrales, unos tortos de xabaril y unos frixuelos. Pero pa eso hai que saber y estos lo únicu que saben ye xoder.
(1) Ta bien escritu non m'enquivoqué. Marcos ye Conserxe, el Conseyeru, el mal conseyeru, ye l'otru, el de les ñarres de boxeador.
martes, 10 de enero de 2012
Lo que más falta nos fai ye un bon barrenderu.
Milio Mariño
Seya too verdá, o namás un pocu, lo d'esi Direutor d'Empleu que mandaba al xofer a comprar cocaína con dineru públicu, el casu ye que tenemos a dos Presidentes de Gobiernos Pequeñinos, un miembru de la Casa Real, un ministru y milenta cargos públicos que'l que nun ta sentáu nel bancu los acusaos ta en capiella de que lo sienten y lo xulguen por gochu.
Viendo como ta la cosa lo que más priesa nos corre ye facer llimpieza a fondu. Pero… ¿quién la fai, quién se pon a ello, si unos y otros tan enllordiaos, y tol mundu barre pa dientro?
Seya too verdá, o namás un pocu, lo d'esi Direutor d'Empleu que mandaba al xofer a comprar cocaína con dineru públicu, el casu ye que tenemos a dos Presidentes de Gobiernos Pequeñinos, un miembru de la Casa Real, un ministru y milenta cargos públicos que'l que nun ta sentáu nel bancu los acusaos ta en capiella de que lo sienten y lo xulguen por gochu.
Viendo como ta la cosa lo que más priesa nos corre ye facer llimpieza a fondu. Pero… ¿quién la fai, quién se pon a ello, si unos y otros tan enllordiaos, y tol mundu barre pa dientro?
miércoles, 4 de enero de 2012
Otra bronca de la drecha asturiana.
Milio Mariño
Como aveza a pasar nun cientu families, siempre por estes feches, paez ser que la drecha asturiana volvió a tener bronca agora por navidaes. El matrimoniu ta vistu que nun se lleva por más que quieran xuntalos. Nun se lleven el padre y la madre, nin tampoco los cuñaos nin los primos de Xixón.
La cosa tien mal arreglu. Más que separación ye divorciu. Caún pol so llau y buscando con quien xuntase pol aquello de que la soledá nun ye bona pa naide.
Y, a too esto, los fíos, como tamién aveza a pasar, entá nun saben con cuál de los dos van quedar.
Como aveza a pasar nun cientu families, siempre por estes feches, paez ser que la drecha asturiana volvió a tener bronca agora por navidaes. El matrimoniu ta vistu que nun se lleva por más que quieran xuntalos. Nun se lleven el padre y la madre, nin tampoco los cuñaos nin los primos de Xixón.
La cosa tien mal arreglu. Más que separación ye divorciu. Caún pol so llau y buscando con quien xuntase pol aquello de que la soledá nun ye bona pa naide.
Y, a too esto, los fíos, como tamién aveza a pasar, entá nun saben con cuál de los dos van quedar.
martes, 3 de enero de 2012
Retoña la chulería y los malos modales.
Milio Mariño
Que nos suban los impuestos doi por fechu que non mos gusta un pimientu. Pero buenu, ye lo que votó la mayoría y habrá que cargar con ello y llevalo lo meyor que podamos. Agora, lo que nun merez naide, nin los sos votantes nin quien non los votamos, ye que lo faigan con chulería y amenazando.
Estu namás ye l'entamu, dixeron dellos ministros riyéndose a carril enlleno. L'entamu de qué, faltosos. Lleváis una selmana nel gobiernu y lo primeru que se vos ocurre ye dir de chulos y amenazanos.
Que nos suban los impuestos doi por fechu que non mos gusta un pimientu. Pero buenu, ye lo que votó la mayoría y habrá que cargar con ello y llevalo lo meyor que podamos. Agora, lo que nun merez naide, nin los sos votantes nin quien non los votamos, ye que lo faigan con chulería y amenazando.
Estu namás ye l'entamu, dixeron dellos ministros riyéndose a carril enlleno. L'entamu de qué, faltosos. Lleváis una selmana nel gobiernu y lo primeru que se vos ocurre ye dir de chulos y amenazanos.
Suscribirse a:
Entradas (Atom)