Milio Mariño
La mio collaboración de los xueves nel Programa Noche tras Noche RPA
El mi lio d'esta selmana ye porque tamos a siete díes de Xueves Santu y toi viendo que nun me queda otra que volver a la Selmana Santa de los tiempos de Franco. Si, si… Aquella qu'abolía la diversión mundana y obligábanos a entretener la espera, hasta que Cristu resucitaba, colo más simple y lo más baratu porque tou taba zarráu.
Aquello yera una dictadura pero los probes salíemos ganando. Como tou taba cerráu nun se notaba la diferencia. Agora ta tou abiertu pero pa pasar esos díes precises una fortuna. Una fortuna que naide, o casi naide, tien, por eso que muncha xente, ente la que m'incluyo, recurre a dicir que lo suyu ye la naturaleza y la vida sana, amestando que va aprovechar la Selmana Santa pa facer senderismu pol barriu, ensin alloñase muncho de casa.
Nun ye mentira del tou. Y en casu de que lo fuere, como tamos en díes santos, sería una mentira piadosa… De toles maneres, lo que peor llevo ye que tol mundu t'entrugue y esixa qu'espliques cómo y ónde vas pasar esos díes.
Nel mio casu yá lo dixi: faciendo senderismu pol barriu. Pero tamién tengo un Plan B porque siempre ta bien tenelo pa que nun te cueyan nun renunciu y quedes cola boca abierta si t’entruguen qué pienses facer, si llueve o'l tiempu se tuerce, qu'equí ye corriente.
Pos nada, si nun ta pa dar paseos perhí nun pienso moveme de casa… Nun pienso dir, nin a pasar la tarde nun centru comercial. Odio los llugares onde va tol mundu y los restoranes qu'ufierten xornaes gastronómiques por estes feches…. De cuenta que si ta mal tiempu decatome pol recoximientu interior. Quedo dafechu en casa y dedícome a lleer ya prauticar el vía crucis ente les sábanes, actividá que, salvo la esceición del mes de vacaciones, aveza a tar desdexada polo que se refier a la so práutica a plena lluz del día.
Con estes alternatives: Senderismu pol barriu o recoximientu y vía crucis ente les sábanes, cumplo cola obligación de tener un plan pa Selmana Santa ensin salime del presupuestu.
Porqu’esa ye otra. Tamos obligaos, por llei, a respetar l'artículu 135 de la Constitución… Esi que reformaron y diz que nun podemos incurrir nun déficit estructural que supere los márxenes establecíos.
Ehí ta, por eso toi falando de planes al algame de les nuestres posibilidaes. Porque toi por apostar que munchos de los que tenéis decidíu lo que vais facer nun tuvistis en cuenta que nun podeís blincar percima del artículu 135. Que vien ser aquel artículu 33 qu'obligábanos a pasar pol aru.
La conclusión ye que tamos igual o peor que fai 40 años…. Pa min peor porque agora amás de nun dir a nengún sitiu, non porque tea tou zarráu sinón porque nun tenemos un duru, tamos obligaos a esplicalo de cuenta que, mialma, paeza que ye lo que nos apetez y escoyimos ensin que nada nin naide nos condicione.
La mio collaboración de los xueves nel Programa Noche tras Noche RPA
Aquello yera una dictadura pero los probes salíemos ganando. Como tou taba cerráu nun se notaba la diferencia. Agora ta tou abiertu pero pa pasar esos díes precises una fortuna. Una fortuna que naide, o casi naide, tien, por eso que muncha xente, ente la que m'incluyo, recurre a dicir que lo suyu ye la naturaleza y la vida sana, amestando que va aprovechar la Selmana Santa pa facer senderismu pol barriu, ensin alloñase muncho de casa.
Nun ye mentira del tou. Y en casu de que lo fuere, como tamos en díes santos, sería una mentira piadosa… De toles maneres, lo que peor llevo ye que tol mundu t'entrugue y esixa qu'espliques cómo y ónde vas pasar esos díes.
Nel mio casu yá lo dixi: faciendo senderismu pol barriu. Pero tamién tengo un Plan B porque siempre ta bien tenelo pa que nun te cueyan nun renunciu y quedes cola boca abierta si t’entruguen qué pienses facer, si llueve o'l tiempu se tuerce, qu'equí ye corriente.
Pos nada, si nun ta pa dar paseos perhí nun pienso moveme de casa… Nun pienso dir, nin a pasar la tarde nun centru comercial. Odio los llugares onde va tol mundu y los restoranes qu'ufierten xornaes gastronómiques por estes feches…. De cuenta que si ta mal tiempu decatome pol recoximientu interior. Quedo dafechu en casa y dedícome a lleer ya prauticar el vía crucis ente les sábanes, actividá que, salvo la esceición del mes de vacaciones, aveza a tar desdexada polo que se refier a la so práutica a plena lluz del día.
Con estes alternatives: Senderismu pol barriu o recoximientu y vía crucis ente les sábanes, cumplo cola obligación de tener un plan pa Selmana Santa ensin salime del presupuestu.
Porqu’esa ye otra. Tamos obligaos, por llei, a respetar l'artículu 135 de la Constitución… Esi que reformaron y diz que nun podemos incurrir nun déficit estructural que supere los márxenes establecíos.
Ehí ta, por eso toi falando de planes al algame de les nuestres posibilidaes. Porque toi por apostar que munchos de los que tenéis decidíu lo que vais facer nun tuvistis en cuenta que nun podeís blincar percima del artículu 135. Que vien ser aquel artículu 33 qu'obligábanos a pasar pol aru.
La conclusión ye que tamos igual o peor que fai 40 años…. Pa min peor porque agora amás de nun dir a nengún sitiu, non porque tea tou zarráu sinón porque nun tenemos un duru, tamos obligaos a esplicalo de cuenta que, mialma, paeza que ye lo que nos apetez y escoyimos ensin que nada nin naide nos condicione.
No hay comentarios:
Publicar un comentario
Milio Mariño