El Gobiernu en puntu muertu

Milio Mariño

Debe ser mui difícil tar quince díes en puntu muertu. En funciones pero ensin funcionar, col motor arrancáu y la pata quieta. Lloñe del acelerador y l'embrague y dispuesta a pisar el frenu de les babayaes. Frenu que naide pisó cuando fixeron esa recomendación a Rajoy pa que saque a Franco d'aú ta y lo entierre, pa siempre, onde tien que tar.
Si lo dixeren de coña, recomendáu polos humoristes del club de la Comedia, podía tener un pase. Lo malu ye que lo dixeron en seriu.