Milio Mariño
Nos Oscar gano una película de cine mudu y el revival de la Dama de Fierro. Nos Goya una de cine negru, con policía malu y Xueza a lo Garzón femeninu. La vida, va tiempu que lo sabíemos, nun ye como nel cine pero, mialma, paez que vuelve averanos al blancu y negru y al entamu del sieglu pasáu. Volvemos al gallineru del Cinema Paraísu cola promesa que, d'equí a unos años, igual nos atroquen sitiu nun palcu.
martes, 28 de febrero de 2012
domingo, 26 de febrero de 2012
A la mar foi por naranxes
Milio Mariño
Allégrome de que l'ayalga de La Mercedes, aquella fragata que foi a pique el 5 d'ochobre de 1804, frente a la costa de Faru, tea n'España. Mialma m'allegro pero tengo duldes de si esa ayalga nos pertenez o si somos igual de pirates que la compañía americana que la rescató de les agües.
Dígolo pola euforia de les autoridaes. Pienso que podemos sacar pechu pol pleitu pero non pola procedencia la plata.
Allégrome de que l'ayalga de La Mercedes, aquella fragata que foi a pique el 5 d'ochobre de 1804, frente a la costa de Faru, tea n'España. Mialma m'allegro pero tengo duldes de si esa ayalga nos pertenez o si somos igual de pirates que la compañía americana que la rescató de les agües.
Dígolo pola euforia de les autoridaes. Pienso que podemos sacar pechu pol pleitu pero non pola procedencia la plata.
sábado, 25 de febrero de 2012
A caballu, en coche o xubíu a la chepa del Rei
Milio Mariño
Hai munches formes d'entrar nun Xulgáu. Lo normal ye que l'imputáu, si nun padez del renaz, les rodiyes o los pies, lo faiga andando. Nun ye'l casu como tampoco lo ye'l domiciliu d'onde vien. Urdangarin nun sal de so casa pa dir al Xulgáu, sal del Palaciu de Marivent previu pasu pola Zarzuela. Xubióse a la chepa del Rei por más que Xuan Carlos quixera safase del muertu. Gran xugada del xenru y el suegru a tragar, con cara pamestu.
Hai munches formes d'entrar nun Xulgáu. Lo normal ye que l'imputáu, si nun padez del renaz, les rodiyes o los pies, lo faiga andando. Nun ye'l casu como tampoco lo ye'l domiciliu d'onde vien. Urdangarin nun sal de so casa pa dir al Xulgáu, sal del Palaciu de Marivent previu pasu pola Zarzuela. Xubióse a la chepa del Rei por más que Xuan Carlos quixera safase del muertu. Gran xugada del xenru y el suegru a tragar, con cara pamestu.
viernes, 24 de febrero de 2012
Lo de Laponia vien ser como apuntase a la División Azul
Milio Mariño
Güei, depués d'almorzar un cafetín con lleche y media docena galletes, colé pal parque, sentéme na corneya d'un bancu y diome por pensar que si por un aquello me saliera un choyu en Laponia lo mesmu escapaba p'alló berrando igual qu'un renu al rau d'una rena. Nunca lo pensara pero esti solín de febreru y les ocurrencies de la patronal, tan llogrando qu'en cuenta apuntame al Inserso vuelva a dame d'alta y m'apunte a lo que salga, quiciás al primer bombardéu.
Güei, depués d'almorzar un cafetín con lleche y media docena galletes, colé pal parque, sentéme na corneya d'un bancu y diome por pensar que si por un aquello me saliera un choyu en Laponia lo mesmu escapaba p'alló berrando igual qu'un renu al rau d'una rena. Nunca lo pensara pero esti solín de febreru y les ocurrencies de la patronal, tan llogrando qu'en cuenta apuntame al Inserso vuelva a dame d'alta y m'apunte a lo que salga, quiciás al primer bombardéu.
jueves, 23 de febrero de 2012
C'est si bon güelina Bardot
Milio Mariño
Paez mentira Brigitte del alma. Non, non me digas nada, yá se que tienes 77 años y te gusten muncho los animales, pero qu'apoyes a esa animala de Marine Le Pen, duelme como una puñalada. Confieso que tengo soñáu munches vegaes contigo. Si los suaños fueron moyaos o ensuchos nun voi dicítelo, anque conociendo'l clima d'Asturies ye fácil imaxínalo. Qué pena. Agora, yá siempre voi arrastrar esi trauma, ye como si suañara con Pilar Primo de Rivera. Y, pa más aquello, güei ye 23 F.
Paez mentira Brigitte del alma. Non, non me digas nada, yá se que tienes 77 años y te gusten muncho los animales, pero qu'apoyes a esa animala de Marine Le Pen, duelme como una puñalada. Confieso que tengo soñáu munches vegaes contigo. Si los suaños fueron moyaos o ensuchos nun voi dicítelo, anque conociendo'l clima d'Asturies ye fácil imaxínalo. Qué pena. Agora, yá siempre voi arrastrar esi trauma, ye como si suañara con Pilar Primo de Rivera. Y, pa más aquello, güei ye 23 F.
miércoles, 22 de febrero de 2012
Creyer no que nun se ve, la fe que vien de Valencia.
Milio Mariño
Confundir el continente col conteníu, entemecer churres con merines pa xustificar, llueu, por qué yos echaron el perru, tien la eficacia de quien s'aplica cataplasmes nos tolanos, mirando curar la picazón del gargüelu. Ye querer tapecer, a lo fato, que se metió la gamba hasta'l cuezo, llamándonos tuertos y ciegos.
Confundir el continente col conteníu, entemecer churres con merines pa xustificar, llueu, por qué yos echaron el perru, tien la eficacia de quien s'aplica cataplasmes nos tolanos, mirando curar la picazón del gargüelu. Ye querer tapecer, a lo fato, que se metió la gamba hasta'l cuezo, llamándonos tuertos y ciegos.
martes, 21 de febrero de 2012
Nun va haber paz pa los malvaos
Milio Mariño
La película del Gobiernu estrenóse'l pasáu mes de payares y la xente yá-y punxo título. Pue vese, amás de nes televisiones facistes y nos periódicos de dreches, nes empreses y nos servicios públicos. Notable ésitu, y estopa a dar por un tubu, nel so estrenu en Valencia y otres capitales onde'l públicu respondió como s'esperaba. Mariano, el so direutor, merecíu premiu Goya, que, como tol mundu sabe, yera sordu como una muria.
La película del Gobiernu estrenóse'l pasáu mes de payares y la xente yá-y punxo título. Pue vese, amás de nes televisiones facistes y nos periódicos de dreches, nes empreses y nos servicios públicos. Notable ésitu, y estopa a dar por un tubu, nel so estrenu en Valencia y otres capitales onde'l públicu respondió como s'esperaba. Mariano, el so direutor, merecíu premiu Goya, que, como tol mundu sabe, yera sordu como una muria.
Suscribirse a:
Entradas (Atom)