Milio Mariño
Marcelín el de Careñes, esi que foi entrenador del Sporting y agora entrena al Sevilla, quedó como la gocha Antona. Qué digo como la gocha, muncho peor porque non se-y ocurre a naide dicir, como dixisti ayer, que'l presidente del Sevilla, un puntu al qu'acaben de condenar a siete años y mediu de cárcel por estafador y tramposu, cuenta cola to comprensión y tol to apoyu.
Vaya exemplu d'entrenador deportivu. En llugar de Marcelín vamos tener que llamate Morzonin, fiedes que tira pa atrás.
martes, 20 de diciembre de 2011
sábado, 17 de diciembre de 2011
Mala collecha de Cestes de Navidá
Milio Mariño
Coles Cestes de Navidá pasa lo contrariu que coles mazanes, que nos años impares ye cuando se dan les meyores colleches. Pa les Cestes esti ye un añu de vecería. Un añu nel que les Cestes son poques y van algamar, namás, pa cuatro privilexaos que, al contrariu d'otros años, van cuidase d'enseñales pol aquello de qué dirán.
Dígolo porque, tal como tan les coses, paezme un deber ciudadanu denunciar toles Cestes que veamos. Denunciales pola via rápida y si lleven xamón Joselito o 5 J, llamar direutamente al 112.
Coles Cestes de Navidá pasa lo contrariu que coles mazanes, que nos años impares ye cuando se dan les meyores colleches. Pa les Cestes esti ye un añu de vecería. Un añu nel que les Cestes son poques y van algamar, namás, pa cuatro privilexaos que, al contrariu d'otros años, van cuidase d'enseñales pol aquello de qué dirán.
Dígolo porque, tal como tan les coses, paezme un deber ciudadanu denunciar toles Cestes que veamos. Denunciales pola via rápida y si lleven xamón Joselito o 5 J, llamar direutamente al 112.
miércoles, 14 de diciembre de 2011
Centru Cultural Llamberuzu (Antiguu Niemeyer)
Milio Mariño
Tengo entendíu qu'asina, llamberuzu, yera como los neños de L'Arena llamaben al carambelu redondu con mango de palu. Ye una ideya pa los de Foro Asturies, por si nun saben como llamar al Niemeyer d'Avilés, un carambelu que garraron pol palu y lleven llambiéndolo va medio añu, ensin sacái sostancia nin gustu denguno.
Ehí ta la cosa. Por eso atesteren, ensin ton nin son, cola esculpa de que, como entá nun-y atoparon sabor, quieren auditalo por ver si ye de fresa o llimón.
Tengo entendíu qu'asina, llamberuzu, yera como los neños de L'Arena llamaben al carambelu redondu con mango de palu. Ye una ideya pa los de Foro Asturies, por si nun saben como llamar al Niemeyer d'Avilés, un carambelu que garraron pol palu y lleven llambiéndolo va medio añu, ensin sacái sostancia nin gustu denguno.
Ehí ta la cosa. Por eso atesteren, ensin ton nin son, cola esculpa de que, como entá nun-y atoparon sabor, quieren auditalo por ver si ye de fresa o llimón.
martes, 13 de diciembre de 2011
Llagostinos de Navidá
Milio Mariño
Camps, Cayetano d'Irujo y Urdangarin yeren tres llagostinos protexíos pol xelu de la blanca y fría impunidá. Los tres taben conxelaos y los tres remanecieron, agora por Navidá, enriba d'una plancha qu'aticen con papel de periódicu.
Tres son pocos, nel arcón hai munchos más. Naguo por oyír el discursu Real. El de verdá, unu que me llene d'arguyu y satisfaición.
Camps, Cayetano d'Irujo y Urdangarin yeren tres llagostinos protexíos pol xelu de la blanca y fría impunidá. Los tres taben conxelaos y los tres remanecieron, agora por Navidá, enriba d'una plancha qu'aticen con papel de periódicu.
Tres son pocos, nel arcón hai munchos más. Naguo por oyír el discursu Real. El de verdá, unu que me llene d'arguyu y satisfaición.
sábado, 10 de diciembre de 2011
Horror alministrativu
Milio Mariño
Un paisanu que mató a la muyer, de diez puñalaes de cuchiellu, taba cobrando una pensión por viudu, de casi 600 euros, dende diba cuatro años. La esplicación que dieron a la familia de la vitima foi que fuere un error alministrativu.
Que me perdonen los funcionarios de visera y manguitu pero, nesti casu, nun foi un error, foi un horror, qu'abulta paecíu pero ye bien distintu.
¿Por qué misteriu informáticu funcionarán meyor los ordenadores del Ministeriu de Facienda que los de Xusticia ? Prestaríame sabelo.
Un paisanu que mató a la muyer, de diez puñalaes de cuchiellu, taba cobrando una pensión por viudu, de casi 600 euros, dende diba cuatro años. La esplicación que dieron a la familia de la vitima foi que fuere un error alministrativu.
Que me perdonen los funcionarios de visera y manguitu pero, nesti casu, nun foi un error, foi un horror, qu'abulta paecíu pero ye bien distintu.
¿Por qué misteriu informáticu funcionarán meyor los ordenadores del Ministeriu de Facienda que los de Xusticia ? Prestaríame sabelo.
viernes, 9 de diciembre de 2011
El corte inglés
Milio Mariño
Esta nueche pasada, depués d'una bona cena y mentanto fumaben un puru, Cameron dixo-y a Sarkozy que vistu como taba la cosa, y dau que non yos garantizaben un ris, yera meyor que los ingleses siguieren, tal como diben, pol so camín.
Tira que llibres, Colás; cuenten que dixo l'inglés. Asina de claro, con dos tolanos qué, amás de bien puestos y pegaos al cursu, debe tenelos, de grandes, como un balón Tangu d'esos qu'usen nel fútbol.
Esta nueche pasada, depués d'una bona cena y mentanto fumaben un puru, Cameron dixo-y a Sarkozy que vistu como taba la cosa, y dau que non yos garantizaben un ris, yera meyor que los ingleses siguieren, tal como diben, pol so camín.
Tira que llibres, Colás; cuenten que dixo l'inglés. Asina de claro, con dos tolanos qué, amás de bien puestos y pegaos al cursu, debe tenelos, de grandes, como un balón Tangu d'esos qu'usen nel fútbol.
jueves, 8 de diciembre de 2011
José Luís I d'Alemania y V d'España.
Milio Mariño
La noticia de güei, que salió ayeri, ye que nun sabíemos lo que teníemos en casa. Nun sabíemos qu'a José Luís (*) apondérenlo tanto por ehí afuera que van proponelo pa que lo nomen rei del recorte. Xubirá al tronu como José Luis I d'Alemania y V d'España. Quintu de recluta, de soldáu rasu qu'obedez, ensin rechistar, lo que-y manden la sarxentu alemana y el cabu furriel francés.
(*) Pa los que nun ten mui puestos nel idioma Asturianu convién esclariar que José Luís ye José Luis – non Xosé Lluis nin Pin - equí y na China Nacionaliega.
La noticia de güei, que salió ayeri, ye que nun sabíemos lo que teníemos en casa. Nun sabíemos qu'a José Luís (*) apondérenlo tanto por ehí afuera que van proponelo pa que lo nomen rei del recorte. Xubirá al tronu como José Luis I d'Alemania y V d'España. Quintu de recluta, de soldáu rasu qu'obedez, ensin rechistar, lo que-y manden la sarxentu alemana y el cabu furriel francés.
(*) Pa los que nun ten mui puestos nel idioma Asturianu convién esclariar que José Luís ye José Luis – non Xosé Lluis nin Pin - equí y na China Nacionaliega.
Suscribirse a:
Entradas (Atom)