¿Quien dixo que nun hai perres?

Milio Mariño

Tenemos qu’agradecei al diputáu d’Esquerra Repúblicana de Catalunya, Pere Aragonès que lleve un añu recopilando gastos que se publiquen nel BOE y que llueu tenga la paciencia de dir publicándolos en mensaxes de Twitter. Equí van dalgunos auténticamente reales y contrastaos.

El gastu en papel hixiénicu del Cuerpo Nacional de Policía aumentó, nel 2012, un 92%. Los servicios de restaurante y cafetería de La Moncloa cuesten, al añu, 1.688.924,15 euros. La decoración de la residencia del embaxador español en Nueva Delhi costó 283.346 euros. L’embaxador español en Tokio gastó 560.000 euros en decoración y muebles. L’embaxador en Guinea-Bissau gastó 102.080 euros en muebles. El Ministerio de Defensa gasta 269.750 euros na cafetería La Cita y na bolera de la base de Torrejón d’Ardoz. Rajoy gasta 158.377,14 euros en ramos de flores. Margallo pagó 222.640 euros a Antena 3 por facer una campaña de fomentu del exiliu llaboral a Europa. L’Exércitu del Aire gasta 498.092 euros pa pagar a los militares los apartamentos pa dir de vacaciones. La llimpieza del Ministerio d’Asuntos Exteriores, cuesta 1.815.000 euros.

Perres si que les hai, depende pa qué.