Milio Mariño
La mio collaboración de los xueves nel Programa Noche tras Noche de la RPA
El mi lio d’esta selmana ye porque barrunto que los ganaderos asturianos deben tar de mui mala lleche. El final de la cuota lláctea y eso que dicen, que de les 2500 esplotaciones ganaderes qu’hai n’Asturies, ente 500 y 1000 cuerren peligru de desapaecer por causa de les dificultaes que van tener pa poder competir nun mercáu llibre, ye pa cabrear a cualquiera.
Yo, pa que voi a engañavos, de ganadería y de lleche, nun tengo nin puta idea. Desconozo esi mundu… La referencia que tengo ye de cuando veo a un agricultor o un ganaderu salir pola tele y siempre lu veo quexándose… Cuando nun ye porque xela muncho ye pol pedrisco, o poles inundaciones o porque va un mes que nun llueve… Siempre salen asina, diciendo que ye una ruina y que sobreviven de milagru.
Apuesto a que la mayoría les veces lleven razón, o quiciás toes… Nun sé. Pero voi dicivos una cosa… Anque nun sepa nada d’esa hestoria, anque te pez nesi mundu, ye de sentíu común pensar que, si como dicen, van paga-yos la lleche a 26 o 28 céntimos el llitru, mialma ye una miseria… Sobre too teniendo en cuenta que les empreses tán vendiéndolo a un euru y picu. D’alcuerdo que tienen que tratalo, envasalo y distribuyilo pero tampoco cuntamos los productos que saquen… La mantega, el yogurt y milenta coses.
Dicen les autoridaes que lo bonu de que quiten la cuota lláctea ye que los ganaderos van poder producir lo que quieran… Sedrá lo que puean porque’l 90 por cientu de les esplotaciones asturianes son d’aldega… tan en zones de montaña.
La cayida ensin parada del preciu la lleche, la presunta collaboración ente les empreses, que xeneró la multa de Competencia, y la postura de fuerza que tán plantegando eses mismes empreses, inclusu con coacciones y amenaces, nun barrunten que los ganaderos puean tener un futuru nada bonu.
El futuru dicen-yos que pasa, curiosamente, pola inversión, nun momentu nel que munchos perdieron cantidaes importantes de dineru, gastáu, va pocu, a xeitu perdíu. Amás, invertir agora tien l'inconveniente añidíu de qu’esa inversión vien acompañada pola nomada cayida de precios, la presión de la industria de rebaxar les compres si nun aceuten les sos condiciones, y con un panorama del mercáu mundial que nun ye precisamente positivu nestos momentos.
Tamos d’alcuerdo en que nun mundu globalizáu y un mercáu globalizáu, el llibre mercáu ye’l camín qu'hai pero, como en tantes otres coses, Asturies nun se preparó pa ello y da la sensación de que'l final de la cuota llega si non nel peor momentu, sí n'unu nel que'l seutor nun tá como debiera nin, lo que ye más importante, mentalizáu p'asumilo.
Dende equí, l’únicu que podemos facer ye animalos a que se xunten y lluchen xuntos… Buenu, y deseayos muncha suerte.
La mio collaboración de los xueves nel Programa Noche tras Noche de la RPA
Yo, pa que voi a engañavos, de ganadería y de lleche, nun tengo nin puta idea. Desconozo esi mundu… La referencia que tengo ye de cuando veo a un agricultor o un ganaderu salir pola tele y siempre lu veo quexándose… Cuando nun ye porque xela muncho ye pol pedrisco, o poles inundaciones o porque va un mes que nun llueve… Siempre salen asina, diciendo que ye una ruina y que sobreviven de milagru.
Apuesto a que la mayoría les veces lleven razón, o quiciás toes… Nun sé. Pero voi dicivos una cosa… Anque nun sepa nada d’esa hestoria, anque te pez nesi mundu, ye de sentíu común pensar que, si como dicen, van paga-yos la lleche a 26 o 28 céntimos el llitru, mialma ye una miseria… Sobre too teniendo en cuenta que les empreses tán vendiéndolo a un euru y picu. D’alcuerdo que tienen que tratalo, envasalo y distribuyilo pero tampoco cuntamos los productos que saquen… La mantega, el yogurt y milenta coses.
Dicen les autoridaes que lo bonu de que quiten la cuota lláctea ye que los ganaderos van poder producir lo que quieran… Sedrá lo que puean porque’l 90 por cientu de les esplotaciones asturianes son d’aldega… tan en zones de montaña.
La cayida ensin parada del preciu la lleche, la presunta collaboración ente les empreses, que xeneró la multa de Competencia, y la postura de fuerza que tán plantegando eses mismes empreses, inclusu con coacciones y amenaces, nun barrunten que los ganaderos puean tener un futuru nada bonu.
El futuru dicen-yos que pasa, curiosamente, pola inversión, nun momentu nel que munchos perdieron cantidaes importantes de dineru, gastáu, va pocu, a xeitu perdíu. Amás, invertir agora tien l'inconveniente añidíu de qu’esa inversión vien acompañada pola nomada cayida de precios, la presión de la industria de rebaxar les compres si nun aceuten les sos condiciones, y con un panorama del mercáu mundial que nun ye precisamente positivu nestos momentos.
Tamos d’alcuerdo en que nun mundu globalizáu y un mercáu globalizáu, el llibre mercáu ye’l camín qu'hai pero, como en tantes otres coses, Asturies nun se preparó pa ello y da la sensación de que'l final de la cuota llega si non nel peor momentu, sí n'unu nel que'l seutor nun tá como debiera nin, lo que ye más importante, mentalizáu p'asumilo.
Dende equí, l’únicu que podemos facer ye animalos a que se xunten y lluchen xuntos… Buenu, y deseayos muncha suerte.
No hay comentarios:
Publicar un comentario
Milio Mariño