Milio Mariño
La curiosa hestoria del famosu y más que centenariu xabón Heno de Pravia tuvo'l so orixe nel restorán Lhardy de Madrid. Agustín Lhardy Garrigues, primero que cocineru y propietariu del restorán, fuere un pintor paisaxista, namoráu d'Asturies, y desfacíase n'aponderamientos falando de la colonia de Pintores de Muros del Nalón, onde tuviera, y de la estraordinaria guapura de la ría de San Esteban de Pravia.
Ente los munchos y bonos veceros del restorán taba Salvador Echeandia Gal, un vascu d’Irun, que punxera en marcha una fábrica de perfumes, na madrilana cai Ferraz. Salvador, amás de veceru habitual de Lhardy, yera amigu d'Agustín y na sobremesa de les comíes escuchaba sollerte les hestories qu'esti-y cuntaba sobre la ría del Nalón y San Esteban de Pravia.
Oyera tantes vegaes aquelles hestories que Salvador Echeandia Gal quixo aprovechar que taba n'Uviéu, promocionando los sos productos, pa conocer la maravía de la que falaba Lhardy, pero dio la casualidá que preguntando per Pravia nun llegó a San Esteban, llegó a Riberes, que nun ta a la vera la mar sinón averada al ríu Nalón y cerca de la otra Pravia, la del interior.
Aquella equivocación resultaría trescendental pos el camín que llevaba a Pravia escurría arrodiáu de praos onde los llabradores recoyíen la yerba que punxeren a ensugar pa utilizala llueu pel iviernu p’alimentar al ganáu. Aquel arume, a yerba recién cortao ensugándose al sol, prendó de tal manera a Salvador que namás llegar a Madrid punxo al so hermanu Eusebio a investigar cómo convertir aquel golor que traía en mente nun productu que pudieren comercializar.
Tardaron dos años. Salvador tuviera en Pravia nel branu de 1903, y en 1905, cola ayuda del so hermanu Eusebio, y dempués de munches pruebes, consiguió recrear lo que llamaba “l'instante asturianu” y convertilo nun xabón de tocador que marcó un finxu na historia de la perfumería n’España.
Pa crear el nomáu arume emplegóse, como ingrediente principal, la cumarina, un productu deriváu principalmente de la faba tonka, que yá usaba en perfumería el perfumista francés Paul Parquet.
Los franceses, precisamente, traxeren el xabón perfumáu a España presentándolo, per primer vegada, na Esposición Universal de Barcelona de 1888, pero hasta principios del sieglu XX nun se produxeron les tresformaciones sociales que xustificaren el xabón de tocador como un productu d'usu cotidianu. Hai que tener en cuenta que'l xabón fabricábase de forma artesana, con sebu y sosa cáustica, y que na mayoría de les cases d'España nun había aséu, nin agua corriente, nin vezos hixénicos.
El xabón marcó un finxu porque Echeandía Gal supo xuntar les propiedaes del productu. Llogró que'l so golor s’asociare al conceutu llimpieza, una bona presentación, un bon arume y una moderna aición publicitaria. Pa vistir la pástiella, recurrió a un envoltoriu afatáu con cañes d’olivo, dio-y el color mariellu del segáu al ensugase, y la pástiella foi verde como'l segáu al crecer.
La protagonista del primer cartelo publicitario del xabón Heno de Pravia, obra del dibuxante Federico Ribas, foi na menos que Madame Pompadour. Y ente la primer xente famosa que dixo en públicu q’usaba esi xabón ta la Reina Victoria Eugenia. Y perhí sigue’l Heno de Pravia, después de 110 años.
Ente los munchos y bonos veceros del restorán taba Salvador Echeandia Gal, un vascu d’Irun, que punxera en marcha una fábrica de perfumes, na madrilana cai Ferraz. Salvador, amás de veceru habitual de Lhardy, yera amigu d'Agustín y na sobremesa de les comíes escuchaba sollerte les hestories qu'esti-y cuntaba sobre la ría del Nalón y San Esteban de Pravia.
Oyera tantes vegaes aquelles hestories que Salvador Echeandia Gal quixo aprovechar que taba n'Uviéu, promocionando los sos productos, pa conocer la maravía de la que falaba Lhardy, pero dio la casualidá que preguntando per Pravia nun llegó a San Esteban, llegó a Riberes, que nun ta a la vera la mar sinón averada al ríu Nalón y cerca de la otra Pravia, la del interior.
Aquella equivocación resultaría trescendental pos el camín que llevaba a Pravia escurría arrodiáu de praos onde los llabradores recoyíen la yerba que punxeren a ensugar pa utilizala llueu pel iviernu p’alimentar al ganáu. Aquel arume, a yerba recién cortao ensugándose al sol, prendó de tal manera a Salvador que namás llegar a Madrid punxo al so hermanu Eusebio a investigar cómo convertir aquel golor que traía en mente nun productu que pudieren comercializar.
Tardaron dos años. Salvador tuviera en Pravia nel branu de 1903, y en 1905, cola ayuda del so hermanu Eusebio, y dempués de munches pruebes, consiguió recrear lo que llamaba “l'instante asturianu” y convertilo nun xabón de tocador que marcó un finxu na historia de la perfumería n’España.
Pa crear el nomáu arume emplegóse, como ingrediente principal, la cumarina, un productu deriváu principalmente de la faba tonka, que yá usaba en perfumería el perfumista francés Paul Parquet.
Los franceses, precisamente, traxeren el xabón perfumáu a España presentándolo, per primer vegada, na Esposición Universal de Barcelona de 1888, pero hasta principios del sieglu XX nun se produxeron les tresformaciones sociales que xustificaren el xabón de tocador como un productu d'usu cotidianu. Hai que tener en cuenta que'l xabón fabricábase de forma artesana, con sebu y sosa cáustica, y que na mayoría de les cases d'España nun había aséu, nin agua corriente, nin vezos hixénicos.
El xabón marcó un finxu porque Echeandía Gal supo xuntar les propiedaes del productu. Llogró que'l so golor s’asociare al conceutu llimpieza, una bona presentación, un bon arume y una moderna aición publicitaria. Pa vistir la pástiella, recurrió a un envoltoriu afatáu con cañes d’olivo, dio-y el color mariellu del segáu al ensugase, y la pástiella foi verde como'l segáu al crecer.
La protagonista del primer cartelo publicitario del xabón Heno de Pravia, obra del dibuxante Federico Ribas, foi na menos que Madame Pompadour. Y ente la primer xente famosa que dixo en públicu q’usaba esi xabón ta la Reina Victoria Eugenia. Y perhí sigue’l Heno de Pravia, después de 110 años.
No hay comentarios:
Publicar un comentario
Milio Mariño