Milio Mariño
La mio collaboración de los xueves nel programa Noche tras Noche de la RPA
El mi lio d'esta selmana ye pola que pue lliase cola reforma del Códigu Penal que'l Congresu los Diputaos ratificó va unos díes. Con eso d'establecer en 16 años la edá mínima de consentimientu sexual, en cuenta d’a los 13 como taba hasta agora dende sabe dios cuando.
La Llei, que va tar vixente'l próximu 1 de xunetu, dicen que pretende reforzar la proteición de los menores, pero tien tola pinta de ser una nueva ocurrencia, otra más, de los nuesos gobernantes cola que ponen de manifiestu non solo que desconocen la realidá de l'adolescencia y la xuventú sinón que perdieron la memoria y escaeciéronse por completu de lo que facíen cuando yeren mozos.
De toles maneres, yá puen poner les lleis que-yos de pola gana que la xente xoven va siguir rellacionándose antes d'esos 16 años que marca la nueva llei. Asina que pue armase la de coyer porque con 18 años un rapaz ye mayor d'edá y si sal con una mocina de 15, dalgo de lo más normal, que siempre pasó y nun va dexar de pasar, nun va tar cortexando, va tar cometiendo un delitu, pervertiendo a una menor.
Mialma que nun desaxero. Entá naide esclario que quieren dicir los que fixeron la llei cuando falen de consentimientu sexual porque por rellación sexual pue entendese, y asina ye, un besu, un afalagu o un achuchón ¿Ye eso lo que se va a penalizar o hai qu'entender que los llexisladores, cuando dicen actu sexual quieren dicir llegar a la fin?
Querese nun pue ser un delitu... Como espliques a una pareyina de 15 años que lo que tán faciendo, tontiar que ye s’aveza a facer a esa edá, agora ye delitu. Los políticos tendríen que salir a la cai y esplicalo porque los mozos entá nun lu saben nin lo van a entender. Namórense nun importa la edá, nin la condición, nin les mires de futuru... Namórense y búsquense y deseyense y atópense, nes discoteques, nos bancos del parque y onde cuadre.
Facer lleis que convierten en delitu lo que ye normal ente adolescentes, lo qu'esistió siempres y va siguir esistiendo, namás val pa xenerar problemes onde nun los había… Pa enguedeyala de baldre y demostrar que nun se tien idea de cuálos son los verdaderos problemes de la mocedá y l'adolescencia.
Yá casi naide s’alcuerda de lo que voi dicir porque foi popular nos años 60 del sieglu pasáu y yá llovió… Pero cola nueva llei na mano tendríen que prohibir aquel cantar del Dúu Dinámicu que dicía “Quince años tien el mio amor”. Sedría apoloxía del abusu sexual. Asina que yá veis como ta la cosa… Dempués 40 años de democracia damos un blincu p’atrás y llegamos nun se sabe hasta onde porque ni na Dictadura taba prohíbiu namorase a los 15 años.
Lo buenu qu’agora, anque lo prohiban, van llevala pol rabu.
La mio collaboración de los xueves nel programa Noche tras Noche de la RPA
La Llei, que va tar vixente'l próximu 1 de xunetu, dicen que pretende reforzar la proteición de los menores, pero tien tola pinta de ser una nueva ocurrencia, otra más, de los nuesos gobernantes cola que ponen de manifiestu non solo que desconocen la realidá de l'adolescencia y la xuventú sinón que perdieron la memoria y escaeciéronse por completu de lo que facíen cuando yeren mozos.
De toles maneres, yá puen poner les lleis que-yos de pola gana que la xente xoven va siguir rellacionándose antes d'esos 16 años que marca la nueva llei. Asina que pue armase la de coyer porque con 18 años un rapaz ye mayor d'edá y si sal con una mocina de 15, dalgo de lo más normal, que siempre pasó y nun va dexar de pasar, nun va tar cortexando, va tar cometiendo un delitu, pervertiendo a una menor.
Mialma que nun desaxero. Entá naide esclario que quieren dicir los que fixeron la llei cuando falen de consentimientu sexual porque por rellación sexual pue entendese, y asina ye, un besu, un afalagu o un achuchón ¿Ye eso lo que se va a penalizar o hai qu'entender que los llexisladores, cuando dicen actu sexual quieren dicir llegar a la fin?
Querese nun pue ser un delitu... Como espliques a una pareyina de 15 años que lo que tán faciendo, tontiar que ye s’aveza a facer a esa edá, agora ye delitu. Los políticos tendríen que salir a la cai y esplicalo porque los mozos entá nun lu saben nin lo van a entender. Namórense nun importa la edá, nin la condición, nin les mires de futuru... Namórense y búsquense y deseyense y atópense, nes discoteques, nos bancos del parque y onde cuadre.
Facer lleis que convierten en delitu lo que ye normal ente adolescentes, lo qu'esistió siempres y va siguir esistiendo, namás val pa xenerar problemes onde nun los había… Pa enguedeyala de baldre y demostrar que nun se tien idea de cuálos son los verdaderos problemes de la mocedá y l'adolescencia.
Yá casi naide s’alcuerda de lo que voi dicir porque foi popular nos años 60 del sieglu pasáu y yá llovió… Pero cola nueva llei na mano tendríen que prohibir aquel cantar del Dúu Dinámicu que dicía “Quince años tien el mio amor”. Sedría apoloxía del abusu sexual. Asina que yá veis como ta la cosa… Dempués 40 años de democracia damos un blincu p’atrás y llegamos nun se sabe hasta onde porque ni na Dictadura taba prohíbiu namorase a los 15 años.
Lo buenu qu’agora, anque lo prohiban, van llevala pol rabu.
No hay comentarios:
Publicar un comentario
Milio Mariño