Milio Mariño
En Samoa güei ye sábadu. Quitaron el vienres porque, pal comercio y la economía, cuadraba meyor asina. Yá ven que fácil. Y equí dándo-y vueltes a si recorten de la manga o les perneres. Con metéi una tayada al tiempu a tomar pol sacu la carga lleña. Si los meses tuvieren 20 díes viviríemos muncho meyor. Quitábennos l'aforfugo de llegar al 31 afogaos. Pero, pa eso, hai que tener imaxinación y estos, polo que se ve, tan apalominaos.
viernes, 30 de diciembre de 2011
jueves, 29 de diciembre de 2011
Cuentín de Navidá
Milio Mariño
Había una vez un Rei, d'un país remotu, que descubrió que'l xenru, el rapaz que taba casáu cola so fía pequeña, caciplaba en asuntos puercos, con cuenta facese aínda más ricu. Y entós, en llugar de denuncialo a la xusticia, mándolo pa casa dios. Lo cuál foi mui agradecíu polos diputaos d'aquel país, qu'aplaudieron a rabiar la honradez del monarca y ficieron que'l Rei casi rompiera a llorar.
Había una vez un Rei, d'un país remotu, que descubrió que'l xenru, el rapaz que taba casáu cola so fía pequeña, caciplaba en asuntos puercos, con cuenta facese aínda más ricu. Y entós, en llugar de denuncialo a la xusticia, mándolo pa casa dios. Lo cuál foi mui agradecíu polos diputaos d'aquel país, qu'aplaudieron a rabiar la honradez del monarca y ficieron que'l Rei casi rompiera a llorar.
miércoles, 28 de diciembre de 2011
Les ñarres de Pachu Cascos
Milio Mariño
Asina, con dos pares y un repuelgo nel papu, solventó Pachu Cascos la xirigoncia que xorrecía nel so Gobiernu a propósitu de por onde diben tirar depués de les navidaes y d'equí a que llegue'l branu.
Nin Maura, nin Azaña nin Xovellanos, la nuestra ideoloxía política ye'l motor de cuatru tiempos: aspiración, compresión, esplosión y escape. De mou que carretera y manta, nun quiero una pallabra. Si oigo refolgar a Crabifosse o Vallaure garro una verdiasca de blima y afalágovos poles pates hasta la cumal del Naranco.
Asina, con dos pares y un repuelgo nel papu, solventó Pachu Cascos la xirigoncia que xorrecía nel so Gobiernu a propósitu de por onde diben tirar depués de les navidaes y d'equí a que llegue'l branu.
Nin Maura, nin Azaña nin Xovellanos, la nuestra ideoloxía política ye'l motor de cuatru tiempos: aspiración, compresión, esplosión y escape. De mou que carretera y manta, nun quiero una pallabra. Si oigo refolgar a Crabifosse o Vallaure garro una verdiasca de blima y afalágovos poles pates hasta la cumal del Naranco.
martes, 27 de diciembre de 2011
Mariano cayó del Guindo
Milio Mariño
Yá sé que ye un chiste fácil. Pero… ¿Qué queréis? pónenlo tan a güevu qu'unu nun resiste la tentación.
Acaben cayer del guindu con tol equipu. Agora, depués de meter la papeleta na urna, resulta que yera mentira, como barruntábemos, que pol fechu de poner a Rajoy de presidente la cosa diba meyorar un montón.
Yá lo reconocieron el mesmu día que ganaron les elecciones pero amestaron una novedá. Nosotros vamos llamar al pan, pan y al vinu, vinu.
Volvieron a engañanos porque Luis, el ministru, yá ta dando vueltes pa llamar al pan, pain, y al vinu… frutu amargu de la mala uva que vendimiaron los bancos.
Yá sé que ye un chiste fácil. Pero… ¿Qué queréis? pónenlo tan a güevu qu'unu nun resiste la tentación.
Acaben cayer del guindu con tol equipu. Agora, depués de meter la papeleta na urna, resulta que yera mentira, como barruntábemos, que pol fechu de poner a Rajoy de presidente la cosa diba meyorar un montón.
Yá lo reconocieron el mesmu día que ganaron les elecciones pero amestaron una novedá. Nosotros vamos llamar al pan, pan y al vinu, vinu.
Volvieron a engañanos porque Luis, el ministru, yá ta dando vueltes pa llamar al pan, pain, y al vinu… frutu amargu de la mala uva que vendimiaron los bancos.
sábado, 24 de diciembre de 2011
Unos caen del caballu y otros nun se baxen del pollín
Milio Mariño
Diz Carmina, La Chacón, y los que van con ella en procesión, qu'hai muncho por facer. Mialma que si, hai una montón maleza que pide que la sieguen nun biribí. Llueu yá se verá si merez la pena lo que xorrez o hai qu'arar y cuchar pa volver semar otra vez.
Estaya hai a embute, lo malu qu'en llugar d'arremangase anden escarabayando a lo fatu pa llueu firmar embaxo. Esi ye'l quiz, que tolos qu'anden firmando papeles tan, al empar, fuera bolos: Unos porque acaben caer del caballu y otros por que nun se baxen del pollín.
Diz Carmina, La Chacón, y los que van con ella en procesión, qu'hai muncho por facer. Mialma que si, hai una montón maleza que pide que la sieguen nun biribí. Llueu yá se verá si merez la pena lo que xorrez o hai qu'arar y cuchar pa volver semar otra vez.
Estaya hai a embute, lo malu qu'en llugar d'arremangase anden escarabayando a lo fatu pa llueu firmar embaxo. Esi ye'l quiz, que tolos qu'anden firmando papeles tan, al empar, fuera bolos: Unos porque acaben caer del caballu y otros por que nun se baxen del pollín.
martes, 20 de diciembre de 2011
Vergoña tenía que date, Marcelín
Milio Mariño
Marcelín el de Careñes, esi que foi entrenador del Sporting y agora entrena al Sevilla, quedó como la gocha Antona. Qué digo como la gocha, muncho peor porque non se-y ocurre a naide dicir, como dixisti ayer, que'l presidente del Sevilla, un puntu al qu'acaben de condenar a siete años y mediu de cárcel por estafador y tramposu, cuenta cola to comprensión y tol to apoyu.
Vaya exemplu d'entrenador deportivu. En llugar de Marcelín vamos tener que llamate Morzonin, fiedes que tira pa atrás.
Marcelín el de Careñes, esi que foi entrenador del Sporting y agora entrena al Sevilla, quedó como la gocha Antona. Qué digo como la gocha, muncho peor porque non se-y ocurre a naide dicir, como dixisti ayer, que'l presidente del Sevilla, un puntu al qu'acaben de condenar a siete años y mediu de cárcel por estafador y tramposu, cuenta cola to comprensión y tol to apoyu.
Vaya exemplu d'entrenador deportivu. En llugar de Marcelín vamos tener que llamate Morzonin, fiedes que tira pa atrás.
sábado, 17 de diciembre de 2011
Mala collecha de Cestes de Navidá
Milio Mariño
Coles Cestes de Navidá pasa lo contrariu que coles mazanes, que nos años impares ye cuando se dan les meyores colleches. Pa les Cestes esti ye un añu de vecería. Un añu nel que les Cestes son poques y van algamar, namás, pa cuatro privilexaos que, al contrariu d'otros años, van cuidase d'enseñales pol aquello de qué dirán.
Dígolo porque, tal como tan les coses, paezme un deber ciudadanu denunciar toles Cestes que veamos. Denunciales pola via rápida y si lleven xamón Joselito o 5 J, llamar direutamente al 112.
Coles Cestes de Navidá pasa lo contrariu que coles mazanes, que nos años impares ye cuando se dan les meyores colleches. Pa les Cestes esti ye un añu de vecería. Un añu nel que les Cestes son poques y van algamar, namás, pa cuatro privilexaos que, al contrariu d'otros años, van cuidase d'enseñales pol aquello de qué dirán.
Dígolo porque, tal como tan les coses, paezme un deber ciudadanu denunciar toles Cestes que veamos. Denunciales pola via rápida y si lleven xamón Joselito o 5 J, llamar direutamente al 112.
Suscribirse a:
Entradas (Atom)