Milio Mariño
La mio collaboración de los xueves nel programa de la RPA, Noche tras Noche.
.jpg)
El mi lio d'esta selmana ye pa celebrar que los asturianos respondieren, una vegada más, como yera d'esperar. Con una amuesa perguapa d'altruísmu y solidaridá, que fixo que los hospitales recuperaren la normalidá dempués de que se tuvieren que suspender, o reprogramar, delles intervenciones quirúrxiques por falta de sangre.
Como seguramente sabéis, la petición de les autoridaes sanitaries non solu foi atendía a escape sinón que superó les previsiones hasta'l puntu de que la unidá móvil asitiada frente a la Escuela de Mines, n'Uviéu, nun dio aguanto y a dellos voluntarios tuvieron que derivalos al centru comunal que tamién rexistró una peralta asistencia de donantes.
Cuntando con que la solución nun ye que la xente s’allegue a donar sangre cuando la llamen, que ye muncho meyor qu’aumente’l númberu de donantes que, al paecer, ye de 150 diarios y bastaría con que fueren 180 pa nun pasar aforfugu, deberíemos tar contentos y celebrar que nuna sociedá onde l’egoísmu, y el sálvese quien puea, ye santu y seña entovía quede xente solidario que s'implica y respuende de forma altruísta.
Tenemos qu’aponderar esti sistema de donaciones que ye envidiáu en tol mundu precisamente por eso, pol so altruísmu. Y, de pasu, tamién convién alvertir, como apunta’l presidente del Foru Español de Pacientes, Albert Jovell, que tan donación ye la d'un órganu sólidu (corazón o reñón) como la de daqué llíquidu como pue ser la sangre ol plasma.
Equí, n'España, ta prohibíu pagar por donar sangre dende l'añu 1985. D’aquella, fai 30 años, por una estraición pagábense 400 pesetes. Práutica que ye llegal en países como Alemaña o Estaos Xuníos, onde un llitru de sangre mercase por 50 dólares y pa munches persones, de clase baxa, supón un mediu col que ganase la vida. Una práutica qu'aumentó en tiempos de crisis, pos según reza nes estadístiques el númberu de donantes creció un 35%, de tres años a esta parte.
Perhí palantre, nos países que presumen de tar más avanzaos que nos, ven bien que la sangre puea vendese. Tal ye asina que Víctor Grifols, presidente de la primer compañía del mundu provisora de plasma y hemoderivaos, criticó que, n’España, y en base a argumentos éticos, tea prohibíu pagar poles donaciones. Amestó, incluso, qu’ellos, la so empresa, podríen pagar 60 euros per selmana, a un donante, que sumaos al paru ameyoraría la forma de vivir de delles persones.
Ha-ylos que nun se corten, que son quien a xustificar y defender barbaridaes como vender la sangre pa nun morrer de fame. Ye lo que trai esti mundu rexíu polo qu'agora llamen “mercaos” y antes llamábamos capitalismu. Un mundu cruel y cínicu nel que los más ricos ven antiguu y desfasáu que, inda, síamos altruístes y solidarios.
De momentu damos-yos en toles ñarres… Somos munchos los que vamos siguir siendo solidarios y defendiendo que la sangre nun sía negociu. La sangre, como diz el pasudoble, nin se compra nin se viende… Nun hai nel mundu dineru…
La mio collaboración de los xueves nel programa de la RPA, Noche tras Noche.
Como seguramente sabéis, la petición de les autoridaes sanitaries non solu foi atendía a escape sinón que superó les previsiones hasta'l puntu de que la unidá móvil asitiada frente a la Escuela de Mines, n'Uviéu, nun dio aguanto y a dellos voluntarios tuvieron que derivalos al centru comunal que tamién rexistró una peralta asistencia de donantes.
Cuntando con que la solución nun ye que la xente s’allegue a donar sangre cuando la llamen, que ye muncho meyor qu’aumente’l númberu de donantes que, al paecer, ye de 150 diarios y bastaría con que fueren 180 pa nun pasar aforfugu, deberíemos tar contentos y celebrar que nuna sociedá onde l’egoísmu, y el sálvese quien puea, ye santu y seña entovía quede xente solidario que s'implica y respuende de forma altruísta.
Tenemos qu’aponderar esti sistema de donaciones que ye envidiáu en tol mundu precisamente por eso, pol so altruísmu. Y, de pasu, tamién convién alvertir, como apunta’l presidente del Foru Español de Pacientes, Albert Jovell, que tan donación ye la d'un órganu sólidu (corazón o reñón) como la de daqué llíquidu como pue ser la sangre ol plasma.
Equí, n'España, ta prohibíu pagar por donar sangre dende l'añu 1985. D’aquella, fai 30 años, por una estraición pagábense 400 pesetes. Práutica que ye llegal en países como Alemaña o Estaos Xuníos, onde un llitru de sangre mercase por 50 dólares y pa munches persones, de clase baxa, supón un mediu col que ganase la vida. Una práutica qu'aumentó en tiempos de crisis, pos según reza nes estadístiques el númberu de donantes creció un 35%, de tres años a esta parte.
Perhí palantre, nos países que presumen de tar más avanzaos que nos, ven bien que la sangre puea vendese. Tal ye asina que Víctor Grifols, presidente de la primer compañía del mundu provisora de plasma y hemoderivaos, criticó que, n’España, y en base a argumentos éticos, tea prohibíu pagar poles donaciones. Amestó, incluso, qu’ellos, la so empresa, podríen pagar 60 euros per selmana, a un donante, que sumaos al paru ameyoraría la forma de vivir de delles persones.
Ha-ylos que nun se corten, que son quien a xustificar y defender barbaridaes como vender la sangre pa nun morrer de fame. Ye lo que trai esti mundu rexíu polo qu'agora llamen “mercaos” y antes llamábamos capitalismu. Un mundu cruel y cínicu nel que los más ricos ven antiguu y desfasáu que, inda, síamos altruístes y solidarios.
De momentu damos-yos en toles ñarres… Somos munchos los que vamos siguir siendo solidarios y defendiendo que la sangre nun sía negociu. La sangre, como diz el pasudoble, nin se compra nin se viende… Nun hai nel mundu dineru…
No hay comentarios:
Publicar un comentario
Milio Mariño