Milio Mariño
Mi lio semanal: La mio collaboración de los xueves nel Programa Noche tras Noche de la RPA.
El mi lio d'esta selmana vien poles llibreríes… Porque l’añu pasáu cerraron n'Asturies, na menos que 57 llibreríes y ta por ver el futuru que-yos espera a les 114 que siguen abiertes, aguantando como pueden.
Esti añu que pasó foi criminal pa les llibreríes, n’Asturies cerraron una de cada trés, lo que supón el peor datu desque españó la crisis. La causa, al paecer, nun ye, solu, económica, hai un conxuntu de circunstancies qu'inclúin, amás de la crisis y la llegada del llibru electrónicu, la falta de polítiques afayadices pa fomentar la llectura, l'ausencia de compromisu de la sociedá frente al llibru y al relevu xeneracional, qu'afeuta, aproximao, al 20% de les llibreríes, que nun siguen la tradición familiar porque los fíos nun tienen la vocación d'héroes que tuvieron los padres y prefieren cerrar el negociu a siguir malviviendo o inclusu perder dineru.
Asina ye como tamos: mal tirando a peor. Los datos que publica'l CIS, tocantes a la xente que llee n'España, son pa q’unu se ponga coloráu de vergoña, pos, el 35% nun llee nunca o casi nunca; el 16,1% una o dos veces per selmana, el 12,6 dalguna vegada al mes y solu el 29,3%, llee toos o casi tolos díes. Datos que tan mui lloñe de la media europea, onde son más del doble, el 70% de la población, los que lleen a diariu.
Con too, si siguimos mirando les estadístiques, equí n’Asturies nun paez que teamos tan mal. Ocurrióseme xuntar dos datos, que me paecen significativos y mirái lo que salió: salió que por cada 100.000 habitantes tenemos 780 chigres y 10 llibreríes. Pero nun vayáis a creyer, en llibreríes, per habitante, tamos percima de la media nacional y en chigres nun somos los primeros. Supéranos Caceres, que tien más chigres per habitante que nós, un datu que si nun ye que me lo diz el CIS, mialma que nun lo creo.
Ye lo qu'hai.
Y si pregunten qué proponen, los qu’entiende d’estu, pa evitar que les llibreríes acaben cerrando toes, circulen perhí dalgunes propuestes que mialma debieron arreventar de tantu como penaron. Proponen que les llibreríes se conviertan n'espacios multidisciplinares, qu'amplíen el conceutu de llibrería, incorporando o habilitando rincones pa tomar café, charrar y celebrar tertulies lliteraries.
Ehí ta, que los espertos por dalgo son espertos, tienen idees que nun se nos ocurren al restu de los mortales. Yá ven lo qu'escurrieron, la novedosa y bien revolucionaria idea de pasar del Bar-Tienda a la Llibrería-Chigre. Claro que como los dos sectores, chigres y llibreríes, tán en crisis tampoco sería d'estrañar que fixeren la mesma propuesta los del otru bandu. Quiero dicir que propongan a los chigres que se dediquen, tamién, a vender llibros. Les llibreríes igual salíen perdiendo pero los llibros, y nós, con 7.800 chigres, que tien Asturies, como puntos de venta, frente a les 114 llibreríes qu’hai agora, ganábemos por goliada.
Mi lio semanal: La mio collaboración de los xueves nel Programa Noche tras Noche de la RPA.
Esti añu que pasó foi criminal pa les llibreríes, n’Asturies cerraron una de cada trés, lo que supón el peor datu desque españó la crisis. La causa, al paecer, nun ye, solu, económica, hai un conxuntu de circunstancies qu'inclúin, amás de la crisis y la llegada del llibru electrónicu, la falta de polítiques afayadices pa fomentar la llectura, l'ausencia de compromisu de la sociedá frente al llibru y al relevu xeneracional, qu'afeuta, aproximao, al 20% de les llibreríes, que nun siguen la tradición familiar porque los fíos nun tienen la vocación d'héroes que tuvieron los padres y prefieren cerrar el negociu a siguir malviviendo o inclusu perder dineru.
Asina ye como tamos: mal tirando a peor. Los datos que publica'l CIS, tocantes a la xente que llee n'España, son pa q’unu se ponga coloráu de vergoña, pos, el 35% nun llee nunca o casi nunca; el 16,1% una o dos veces per selmana, el 12,6 dalguna vegada al mes y solu el 29,3%, llee toos o casi tolos díes. Datos que tan mui lloñe de la media europea, onde son más del doble, el 70% de la población, los que lleen a diariu.
Con too, si siguimos mirando les estadístiques, equí n’Asturies nun paez que teamos tan mal. Ocurrióseme xuntar dos datos, que me paecen significativos y mirái lo que salió: salió que por cada 100.000 habitantes tenemos 780 chigres y 10 llibreríes. Pero nun vayáis a creyer, en llibreríes, per habitante, tamos percima de la media nacional y en chigres nun somos los primeros. Supéranos Caceres, que tien más chigres per habitante que nós, un datu que si nun ye que me lo diz el CIS, mialma que nun lo creo.
Ye lo qu'hai.
Y si pregunten qué proponen, los qu’entiende d’estu, pa evitar que les llibreríes acaben cerrando toes, circulen perhí dalgunes propuestes que mialma debieron arreventar de tantu como penaron. Proponen que les llibreríes se conviertan n'espacios multidisciplinares, qu'amplíen el conceutu de llibrería, incorporando o habilitando rincones pa tomar café, charrar y celebrar tertulies lliteraries.
Ehí ta, que los espertos por dalgo son espertos, tienen idees que nun se nos ocurren al restu de los mortales. Yá ven lo qu'escurrieron, la novedosa y bien revolucionaria idea de pasar del Bar-Tienda a la Llibrería-Chigre. Claro que como los dos sectores, chigres y llibreríes, tán en crisis tampoco sería d'estrañar que fixeren la mesma propuesta los del otru bandu. Quiero dicir que propongan a los chigres que se dediquen, tamién, a vender llibros. Les llibreríes igual salíen perdiendo pero los llibros, y nós, con 7.800 chigres, que tien Asturies, como puntos de venta, frente a les 114 llibreríes qu’hai agora, ganábemos por goliada.
No hay comentarios:
Publicar un comentario
Milio Mariño